旁遮普语

ਉਪਭੋਗੀ ਰੱਖਿਆ

ਇਸ ਲੇਖ ਨੂੰ ਇਸ ਵਿੱਚ ਵੇਖੋ:    

ਅਰਬੀ
ਅੰਗਰੇਜ਼ੀ
ਸਪੇਨੀ
ਫਰਾਂਸੀਸੀ
ਗੁਜਰਾਤੀ
ਪੰਜਾਬੀ
ਰੂਸੀ
ਤਮਿਲ
ਫਿਲਪੀਨੋ (ਤਗਾਲਗ)  
ਉਰਦੂ
ਚੀਨੀ (ਸਰਲ)



ਪ੍ਰਿੰਟ ਕਰੋ
ਪੀ ਡੀ ਐੱਫ
ਮੇਰੇ ਫੇਵਰਿਟਸ ਵਿੱਚ ਜੋੜ ਦਿਓ ਹੁਣ ਲੋੜ ਮੁਤਾਬਕ ਬਣਾਓ
  


ਜੇ ਮੇਰਾ ਸੋਸ਼ਲ ਇਨਸ਼ੋਰੈਂਸ ਨੰਬਰ ਜਾਂ ਸਿਨ (SIN) ਕਾਰਡ ਗਵਾਚ ਜਾਵੇ ਜਾਂ ਚੋਰੀ ਹੋ ਜਾਵੇ ਤਾਂ ਕੀ ਹੋਵੇਗਾ?
ਜੇ ਤੁਹਾਡਾ ਸਿਨ ਕਾਰਡ ਗੁੰਮ ਜਾਂ ਚੋਰੀ ਹੋ ਜਾਂਦਾ ਹੈ ਤਾਂ ਜਿੰਨ੍ਹੀ ਛੇਤੀ ਹੋ ਸਕੇ, ਇਸ ਦੀ ਇਤਲਾਹ ਸਥਾਨਕ ਸਰਵਿਸ ਕੈਨੇਡਾ ਸੈਂਟਰ (Service Canada Centre) (1) ਨੂੰ ਦਿਓ।

ਸਰਵਿਸ ਕੈਨੇਡਾ ਵੱਲੋਂ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ:

ਆਪਣੇ ਨਾ ਲੱਭਦੇ ਕਾਰਡ ਦੀ ਇਤਲਾਹ ਸਥਾਨਕ ਪੁਲਿਸ ਨੂੰ ਦਿਓ
ਕਿਸੇ ਗ਼ੈਰ-ਮਾਮੂਲੀ ਲੈਣ-ਦੇਣ ਦੇ ਵਾਪਰ ਜਾਣ `ਤੇ ਆਪਣੇ ਬੈਂਕ ਖਾਤੇ ਅਤੇ ਕ੍ਰੈਡਿਟ ਕਾਰਡਾਂ `ਤੇ ਨਿਗਾਹ ਮਾਰੋ
ਕਿਸੇ ਵੀ ਤਬਦੀਲੀ ਜਾਂ ਰੁਕਾਵਟ ਲਈ ਆਪਣੀ ਡਾਕ ਉੱਤੇ ਨਿਗਾਹ ਰੱਖੋ
ਕਿਸੇ ਗ਼ੈਰ-ਮਾਮੂਲੀ ਲੈਣ-ਦੇਣ ਦੀ ਮੌਜੂਦਗੀ ਲਈ ਇੱਕ ਕ੍ਰੈਡਿਟ ਰਿਪੋਰਟ ਕਢਵਾਓ
ਆਪਣੇ ਸਿਨ ਕਾਰਡ ਨੂੰ ਹਿਫਾਜ਼ਤ ਨਾਲ ਰੱਖਣਾ ਅਤੇ ਨਾ ਲੱਭਣ `ਤੇ ਤੁਰੰਤ ਇਸ ਦੀ ਇਤਲਾਹ ਦੇਣਾ ਅਹਿਮ ਹੁੰਦਾ ਹੈ। ਜੇ ਕਿਸੇ ਨੂੰ ਤੁਹਾਡਾ ਕਾਰਡ ਲੱਭ ਜਾਵੇ ਤਾਂ ਉਹ ਇਸ ਜਾਣਕਾਰੀ ਨੂੰ ਤੁਹਾਡੇ ਖਿਲਾਫ਼ ਜਾਂ ਕਿਸੇ ਹੋਰ ਖਿਲਾਫ਼ ਧੋਖਾ-ਧੜੀ ਲਈ ਵਰਤ ਸਕਦਾ ਹੈ।

ਤੁਹਾਨੂੰ ਨਵੇਂ ਸਿਨ ਕਾਰਡ ਲਈ ਅਰਜ਼ੀ ਦੇਣੀ ਪਵੇਗੀ ਅਤੇ ਹੋ ਸਕਦਾ ਹੈ $10.00 ਫੀਸ ਵੀ ਦੇਣੀ ਪਵੇ। ਆਪਣੇ ਹਾਲਾਤ ਮੁਤਾਬਕ ਨਵੇਂ ਸਿਨ ਕਾਰਡ ਦੀ ਅਰਜ਼ੀ ਦੇਣ ਲਈ ਆਪਣੇ ਸਥਾਨਕ ਸਰਵਿਸ ਕਨੇਡਾ ਸੈਂਟਰ ਵਿਖੇ ਜਾਓ। ਆਪਣੇ ਨੇੜੇ ਦੇ ਕਿਸੇ ਸਰਵਿਸ ਕੈਨੇਡਾ ਸੈਂਟਰ ਦਾ ਪਤਾ ਲਾਉਣ ਲਈ ਜਾਂ ਵਧੇਰੇ ਜਾਣਕਾਰੀ ਲਈ ਫ਼ੋਨ ਕਰੋ:

ਟੋਲ-ਫ੍ਰੀ: 1-800-206-7218

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਸਰਵਿਸ ਕੈਨੇਡਾ ਸੈਂਟਰ (Service Canada Centre):
http://www.servicecanada.gc.ca/cgi-bin/hsearch.cgi?cmd=lst&pv=on&ln=eng

ਨੋਟ


ਕਾਪੀਰਾਈਟ -
ਲੇਖ ਨੂੰ ਕਸਟਮਾਈਜ਼ ਕਰੋ ਲੇਖ ਨੂੰ ਕਸਟਮਾਈਜ਼ (ਮਨਪਸੰਦ ਦਾ) ਬਣਾਉਣਾ #2272320 - ਜੇ ਮੇਰਾ ਸੋਸ਼ਲ ਇਨਸ਼ੋਰੈਂਸ ਨੰਬਰ ਜਾਂ ਸਿਨ (SIN) ਕਾਰਡ ਗਵਾਚ ਜਾਵੇ ਜਾਂ ਚੋਰੀ ਹੋ ਜਾਵੇ ਤਾਂ ਕੀ ਹੋਵੇਗਾ?  


  







ਚਿੱਤਰ ਤਬਦੀਲ ਕਰੋ ਲੋਗੋ ਨੂੰ ਹਟਾ ਦਿਓ ਮਨਸੂਖ ਕਰ ਦਿਓ

ਸਿਫਾਰਸ਼ ਕੀਤੇ ਲੋਗੋ ਦਾ ਸਾਈਜ਼: 440 px x 110 px


ਅਗਲੀ ਵਾਰ ਲਈ ਇਸ ਲੋਗੋ ਨੰ ਯਾਦ ਰੱਖੋ ਜੇ ਮੇਰਾ ਸੋਸ਼ਲ ਇਨਸ਼ੋਰੈਂਸ ਨੰਬਰ ਜਾਂ ਸਿਨ (SIN) ਕਾਰਡ ਗਵਾਚ ਜਾਵੇ ਜਾਂ ਚੋਰੀ ਹੋ ਜਾਵੇ ਤਾਂ ਕੀ ਹੋਵੇਗਾ?
ਜੇ ਤੁਹਾਡਾ ਸਿਨ ਕਾਰਡ ਗੁੰਮ ਜਾਂ ਚੋਰੀ ਹੋ ਜਾਂਦਾ ਹੈ ਤਾਂ ਜਿੰਨ੍ਹੀ ਛੇਤੀ ਹੋ ਸਕੇ, ਇਸ ਦੀ ਇਤਲਾਹ ਸਥਾਨਕ ਸਰਵਿਸ ਕੈਨੇਡਾ ਸੈਂਟਰ (Service Canada Centre) (1) ਨੂੰ ਦਿਓ।

ਸਰਵਿਸ ਕੈਨੇਡਾ ਵੱਲੋਂ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ:

ਆਪਣੇ ਨਾ ਲੱਭਦੇ ਕਾਰਡ ਦੀ ਇਤਲਾਹ ਸਥਾਨਕ ਪੁਲਿਸ ਨੂੰ ਦਿਓ
ਕਿਸੇ ਗ਼ੈਰ-ਮਾਮੂਲੀ ਲੈਣ-ਦੇਣ ਦੇ ਵਾਪਰ ਜਾਣ `ਤੇ ਆਪਣੇ ਬੈਂਕ ਖਾਤੇ ਅਤੇ ਕ੍ਰੈਡਿਟ ਕਾਰਡਾਂ `ਤੇ ਨਿਗਾਹ ਮਾਰੋ
ਕਿਸੇ ਵੀ ਤਬਦੀਲੀ ਜਾਂ ਰੁਕਾਵਟ ਲਈ ਆਪਣੀ ਡਾਕ ਉੱਤੇ ਨਿਗਾਹ ਰੱਖੋ
ਕਿਸੇ ਗ਼ੈਰ-ਮਾਮੂਲੀ ਲੈਣ-ਦੇਣ ਦੀ ਮੌਜੂਦਗੀ ਲਈ ਇੱਕ ਕ੍ਰੈਡਿਟ ਰਿਪੋਰਟ ਕਢਵਾਓ
ਆਪਣੇ ਸਿਨ ਕਾਰਡ ਨੂੰ ਹਿਫਾਜ਼ਤ ਨਾਲ ਰੱਖਣਾ ਅਤੇ ਨਾ ਲੱਭਣ `ਤੇ ਤੁਰੰਤ ਇਸ ਦੀ ਇਤਲਾਹ ਦੇਣਾ ਅਹਿਮ ਹੁੰਦਾ ਹੈ। ਜੇ ਕਿਸੇ ਨੂੰ ਤੁਹਾਡਾ ਕਾਰਡ ਲੱਭ ਜਾਵੇ ਤਾਂ ਉਹ ਇਸ ਜਾਣਕਾਰੀ ਨੂੰ ਤੁਹਾਡੇ ਖਿਲਾਫ਼ ਜਾਂ ਕਿਸੇ ਹੋਰ ਖਿਲਾਫ਼ ਧੋਖਾ-ਧੜੀ ਲਈ ਵਰਤ ਸਕਦਾ ਹੈ।

ਤੁਹਾਨੂੰ ਨਵੇਂ ਸਿਨ ਕਾਰਡ ਲਈ ਅਰਜ਼ੀ ਦੇਣੀ ਪਵੇਗੀ ਅਤੇ ਹੋ ਸਕਦਾ ਹੈ $10.00 ਫੀਸ ਵੀ ਦੇਣੀ ਪਵੇ। ਆਪਣੇ ਹਾਲਾਤ ਮੁਤਾਬਕ ਨਵੇਂ ਸਿਨ ਕਾਰਡ ਦੀ ਅਰਜ਼ੀ ਦੇਣ ਲਈ ਆਪਣੇ ਸਥਾਨਕ ਸਰਵਿਸ ਕਨੇਡਾ ਸੈਂਟਰ ਵਿਖੇ ਜਾਓ। ਆਪਣੇ ਨੇੜੇ ਦੇ ਕਿਸੇ ਸਰਵਿਸ ਕੈਨੇਡਾ ਸੈਂਟਰ ਦਾ ਪਤਾ ਲਾਉਣ ਲਈ ਜਾਂ ਵਧੇਰੇ ਜਾਣਕਾਰੀ ਲਈ ਫ਼ੋਨ ਕਰੋ:

ਟੋਲ-ਫ੍ਰੀ: 1-800-206-7218

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਸਰਵਿਸ ਕੈਨੇਡਾ ਸੈਂਟਰ (Service Canada Centre):
http://www.servicecanada.gc.ca/cgi-bin/hsearch.cgi?cmd=lst&pv=on&ln=eng



ਕਾਪੀਰਾਈਟ -
ਪਤਾ

ਤੁਹਾਡੇ ਲੋਗੋ ਦੇ ਥੱਲੇ ਇਹ ਮੱਦ ਪ੍ਰਗਟ ਹੋਵੇਗੀ।   ਅਗਲੀ ਵਾਰ ਲਈ ਇਸ ਪਤਾ ਨੂੰ ਯਾਦ ਰੱਖੋ
ਨੋਟ

ਤੁਹਾਡੀ ਦਸਤਾਵੇਜ਼ ਦੇ ਆਖਰੀ ਸਫੇ `ਤੇ ਇੱਕ ਵਾਧੇ ਵਜੋਂ ਇਹ ਮੱਦ ਪ੍ਰਗਟ ਹੋਵੇਗੀ।   ਅਗਲੀ ਵਾਰ ਲਈ ਇਸ ਨੋਟ ਨੂੰ ਯਾਦ ਰੱਖੋ

   Loading…

  
  
ਕੀ ਤੁਸੀਂ ਜਾਣਦੇ ਸੀ?
ਇਸ ਨੂੰ ਪ੍ਰਿੰਟ ਕਰਨ ਤੋਂ ਪਹਿਲਾਂ ਤੁਸੀਂ ਆਪਣੇ ਸੰਗਠਨ ਦਾ ਲੋਗੋ ਅਤੇ ਪਤਾ, ਅਤੇ ਤੁਸੀਂ ਸਾਈਟ `ਤੇ ਆਪਣੇ ਨੋਟਸ ਜਾਂ ਕੋਈ ਲੇਖ ਵੀ, ਸਾਮਲ ਕਰ ਸਕਦੇ ਹੋ।

ਹੁਣ ਲੋੜ ਮੁਤਾਬਕ ਬਣਾਓ

ਮੈਨੂੰ ਕ੍ਰੈਡਿਟ ਕਾਰਡ ਦੀ ਧੋਖਾਧੜੀ ਬਾਰੇ ਕੀ ਪਤਾ ਹੋਣਾ ਚਾਹੀਦਾ ਹੈ?
ਕ੍ਰੈਡਿਟ ਕਾਰਡ ਸਹੂਲਤ ਵਾਲੇ ਹੁੰਦੇ ਹਨ ਅਤੇ ਦੁਕਾਨਾਂ ਵਿੱਚ ਚੀਜ਼ਾਂ ਅਤੇ ਸੇਵਾਵਾਂ ਲਈ ਭੁਗਤਾਨ ਕਰਨ ਵਿੱਚ ਤੁਹਾਡੀ ਮਦਦ ਕਰ ਸਕਦੇ ਹਨ। ਉਹਨਾਂ ਦੀ ਵਰਤੋਂ ਬਿਲਾਂ ਦਾ ਭੁਗਤਾਨ ਕਰਨ ਲਈ ਜਾਂ ਆਨਲਾਈਨ ਖਰੀਦਦਾਰੀ ਕਰਨ ਲਈ ਵੀ ਕੀਤੀ ਜਾ ਸਕਦੀ ਹੈ। ਹਾਲਾਂਕਿ, ਇਹ ਅਹਿਮ ਹੈ ਕਿ ਤੁਸੀਂ ਆਪਣੇ ਕ੍ਰੈਡਿਟ ਕਾਰਡਾਂ ਦੀ ਰੱਖਿਆ ਕਰੋ ਤਾਂ ਜੋ ਹੋਰ ਲੋਕ ਤੁਹਾਡੀ ਆਗਿਆ ਤੋਂ ਬਿਨਾਂ ਇਹਨਾਂ ਦੀ ਵਰਤੋਂ ਨਾ ਕਰ ਸਕਣ। ਜੇ ਕੋਈ ਵਿਅਕਤੀ ਤੁਹਾਡੀ ਆਗਿਆ ਤੋਂ ਬਿਨਾਂ ਤੁਹਾਡੇ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਦਾ ਹੈ ਤਾਂ ਇਸਨੂੰ ਕ੍ਰੈਡਿਟ ਕਾਰਡ ਦੀ ਧੋਖਾਧੜੀ ਕਿਹਾ ਜਾਂਦਾ ਹੈ।

ਆਪਣਾ ਬਚਾਅ ਕਰਨ ਲਈ ਨੁਸਖੇ
ਆਪਣੇ ਆਪ ਨੂੰ ਕ੍ਰੈਡਿਟ ਕਾਰਡ ਦੀ ਧੋਖਾਧੜੀ ਤੋਂ ਬਚਾਉਣ ਵਿੱਚ ਮਦਦ ਲਈ ਤੁਸੀਂ ਇਹ ਸਰਲ ਜਿਹੀਆਂ ਚੀਜ਼ਾਂ ਕਰ ਸਕਦੇ ਹੋ:

ਜਦੋਂ ਹੀ ਤੁਹਾਨੂੰ ਤੁਹਾਡਾ ਕ੍ਰੈਡਿਟ ਕਾਰਡ ਮਿਲੇ, ਇਸ 'ਤੇ ਦਸਤਖਤ ਕਰੋ।
ਆਪਣੇ ਕ੍ਰੈਡਿਟ ਕਾਰਡ (ਜਾਂ ਕ੍ਰੈਡਿਟ ਕਾਰਡ ਨੰਬਰ ਦੀ ਕਾਪੀ) ਅਤੇ ਕ੍ਰੈਡਿਟ ਕਾਰਡ ਕੰਪਨੀ ਦੇ ਫੋਨ ਨੰਬਰਾਂ ਦੀ ਇਕ ਫੋਟੋਕਾਪੀ ਘਰ ਵਿੱਚ ਕਿਸੇ ਸੁਰੱਖਿਅਤ ਜਗ੍ਹਾ 'ਤੇ ਰੱਖੋ। ਇਸ ਜਾਣਕਾਰੀ ਨੂੰ ਆਪਣੇ ਬਟੂਏ ਜਾਂ ਹੈਂਡਬੈਗ ਵਿੱਚ ਨਾ ਰੱਖੋ। ਜੇ ਤੁਹਾਡਾ ਕ੍ਰੈਡਿਟ ਕਾਰਡ ਗੁੰਮ ਜਾਂ ਚੋਰੀ ਹੋ ਜਾਂਦਾ ਹੈ ਤਾਂ ਤੁਹਾਨੂੰ ਇਸ ਜਾਣਕਾਰੀ ਦੀ ਲੋੜ ਪਵੇਗੀ।
ਆਪਣਾ ਕ੍ਰੈਡਿਟ ਕਾਰਡ ਕਦੇ ਕਿਸੇ ਵੀ ਵਿਅਕਤੀ ਨੂੰ ਉਧਾਰ ਨਾ ਦਿਓ।
ਜੇ ਤੁਹਾਡਾ ਕ੍ਰੈਡਿਟ ਕਾਰਡ ਗੁੰਮ ਜਾਂ ਚੋਰੀ ਹੋ ਜਾਂਦਾ ਹੈ ਤਾਂ ਇਸ ਦੀ ਸੂਚਨਾ ਤੁਰੰਤ ਕ੍ਰੈਡਿਟ ਕਾਰਡ ਕੰਪਨੀ ਨੂੰ ਦਿਓ।
ਹਰ ਮਹੀਨੇ ਆਪਣੇ ਕ੍ਰੈਡਿਟ ਕਾਰਡ ਦੀ ਸਟੇਟਮੈਂਟ ਦੀ ਧਿਆਨ ਨਾਲ ਸਮੀਖਿਆ ਕਰੋ। ਜੇ ਤੁਹਾਨੂੰ ਕੋਈ ਵੀ ਅਜਿਹੇ ਖਰਚੇ ਦਿਖਾਈ ਦੇਣ ਜੋ ਤੁਸੀਂ ਨਹੀਂ ਕੀਤੇ ਹਨ ਤਾਂ ਇਸਦੀ ਸੂਚਨਾ ਤੁਰੰਤ ਕ੍ਰੈਡਿਟ ਕਾਰਡ ਕੰਪਨੀ ਨੂੰ ਦਿਓ। ਜੇ ਤੁਸੀਂ ਅਜਿਹਾ ਕਰਦੇ ਹੋ ਤਾਂ ਤੁਸੀਂ ਇਸਦੇ $50 ਤੋਂ ਵੱਧ ਦਾ ਭੁਗਤਾਨ ਕਰਨ ਲਈ ਜਿੰਮੇਵਾਰ ਨਹੀਂ ਹੋਵੋਗੇ।
ਜਿਹੜੇ ਕ੍ਰੈਡਿਟ ਕਾਰਡਾਂ ਦੀ ਤੁਸੀਂ ਵਰਤੋਂ ਨਹੀਂ ਕਰਦੇ, ਉਹਨਾਂ ਨੂੰ ਰੱਦ ਕਰ ਦਿਓ ਅਤੇ ਜਿਹਨਾਂ ਦੀ ਤੁਸੀਂ ਬਾਕਾਇਦਾ ਵਰਤੋਂ ਕਰਦੇ ਹੋ, ਉਹਨਾਂ ਦੀ ਸੂਚੀ ਬਣਾ ਕੇ ਰੱਖੋ।
ਕਿਸੇ ਰੈਸਤਰਾਂ ਜਾਂ ਸਟੋਰ 'ਤੇ ਆਪਣੇ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਨ ਵੇਲੇ ਸਾਵਧਾਨ ਰਹੋ। ਜਿਹੜਾ ਵਿਅਕਤੀ ਤੁਹਾਡੇ ਕ੍ਰੈਡਿਟ ਕਾਰਡ ਨਾਲ ਨਜਿੱਠਦਾ ਹੈ ਉਹ ਅਸਾਨੀ ਨਾਲ ਇਸ ਦੀ ਕਾਪੀ ਕਰ ਸਕਦਾ ਹੈ ਜਾਂ ਤੁਹਾਡਾ ਕ੍ਰੈਡਿਟ ਕਾਰਡ ਨੰਬਰ ਰਿਕਾਰਡ ਕਰ ਸਕਦਾ ਹੈ। ਜੇ ਤੁਸੀਂ ਆਪਣੇ ਕ੍ਰੈਡਿਟ ਕਾਰਡ ਨੂੰ ਵਰਤਣ ਵਿੱਚ ਅਰਾਮਦੇਹ ਮਹਿਸੂਸ ਨਹੀਂ ਕਰਦੇ ਤਾਂ ਨਕਦ ਅਦਾਇਗੀ ਕਰੋ।
ਬੈਂਕ ਮਸ਼ੀਨਾਂ 'ਤੇ, ਕੂੜੇਦਾਨਾਂ ਦੇ ਡੱਬਿਆਂ ਵਿੱਚ, ਗੈਸੋਲੀਨ ਦੇ ਪੰਪਾਂ ਜਾਂ ਕਿਸੇ ਜਨਤਕ ਥਾਂ 'ਤੇ ਰਸੀਦਾਂ ਨਾ ਛੱਡੋ।  ਯਕੀਨੀ ਬਣਾਓ ਕਿ ਤੁਸੀਂ ਉਹਨਾਂ ਰਸੀਦਾਂ, ਕ੍ਰੈਡਿਟ ਕਾਰਡ ਸਟੇਟਮੈਂਟਾਂ ਅਤੇ ਦੂਜੇ ਕਾਗਜ਼ਾਂ ਨੂੰ ਜ਼ਾਇਆ ਕਰ ਦਿੰਦੇ ਹੋ ਜਿਹਨਾਂ ਦੀ ਤੁਹਾਨੂੰ ਲੋੜ ਨਹੀਂ ਹੈ।
ਟੈਲੀਫੋਨ 'ਤੇ ਕਿਸੇ ਨੂੰ ਆਪਣੇ ਕ੍ਰੈਡਿਟ ਕਾਰਡ ਨੰਬਰ; ਬੈਂਕ ਦੇ ਪੀਆਈਐਨਜ਼ (PINs) ਜਾਂ ਕੋਈ ਨਿੱਜੀ ਜਾਣਕਾਰੀ ਨਾ ਦਿਓ ਜਦੋਂ ਤੱਕ ਕਾਲ ਤੁਸੀਂ ਆਪ ਨਹੀਂ ਕਰਦੇ।
ਆਪਣੀ ਡਾਕ ਕਿਸੇ ਅਜਿਹੀ ਥਾਂ ਨਾ ਛੱਡੋ ਜਿੱਥੇ ਹੋਰ ਲੋਕ ਇਸਨੂੰ ਦੇਖ ਸਕਦੇ ਹੋਣ। ਆਪਣੇ ਡਾਕ ਬਕਸੇ ਤੋਂ ਡਾਕ ਨੂੰ ਤੁਰੰਤ ਚੁੱਕ ਲਓ।
ਆਪਣੀਆਂ ਪਹਿਲਾਂ ਤੋਂ ਪ੍ਰਵਾਨਤ ਕ੍ਰੈਡਿਟ ਕਾਰਡ ਅਰਜ਼ੀਆਂ, ਕ੍ਰੈਡਿਟ ਕਾਰਡ ਰਸੀਦਾਂ ਅਤੇ ਸਟੇਟਮੈਂਟਾਂ ਨੂੰ ਹਮੇਸ਼ਾਂ ਜ਼ਾਇਆ ਕਰ ਦਿਓ, ਜੇ ਤੁਹਾਨੂੰ ਉਹਨਾਂ ਦੀ ਲੋੜ ਨਹੀਂ ਹੈ।
ਇੰਟਰਨੈੱਟ 'ਤੇ ਖਰੀਦਦਾਰੀ
ਆਨਲਾਈਨ ਖਰੀਦਦਾਰੀ ਕਰਨਾ ਕੈਨੇਡਾ ਵਿੱਚ ਆਮ ਹੋ ਗਿਆ ਹੈ। ਆਪਣੇ ਕ੍ਰੈਡਿਟ ਕਾਰਡ ਦੀ ਆਨਲਾਈਨ ਵਰਤੋਂ ਕਰਨੀ ਹੋਰ ਸੁਰੱਖਿਅਤ ਹੋ ਰਹੀ ਹੈ। ਹਾਲਾਂਕਿ, ਤੁਹਾਨੂੰ ਹਮੇਸ਼ਾਂ ਚੌਕਸ ਰਹਿਣਾ ਚਾਹੀਦਾ ਹੈ ਅਤੇ ਆਪਣੀ ਜਾਣਕਾਰੀ ਸਿਰਫ ਉਹਨਾਂ ਸਾਈਟਾਂ ਨੂੰ ਹੀ ਦੇਣੀ ਚਾਹੀਦੀ ਹੈ ਜਿਹਨਾਂ 'ਤੇ ਤੁਸੀਂ ਭਰੋਸਾ ਕਰਦੇ ਹੋ।

ਇੱਥੇ ਕੁਝ ਗੱਲਾਂ ਦਿੱਤੀਆਂ ਗਈਆਂ ਹਨ ਜਿਹਨਾਂ ਦਾ ਤੁਹਾਨੂੰ ਇੰਟਰਨੈੱਟ 'ਤੇ ਖਰੀਦਦਾਰੀ ਕਰਦੇ ਸਮੇਂ ਵਿਚਾਰ ਕਰਨਾ ਚਾਹੀਦਾ ਹੈ:

ਕੀ ਤੁਸੀਂ ਕਾਰੋਬਾਰ 'ਤੇ ਭਰੋਸਾ ਕਰਦੇ ਹੈ?
ਕੀ ਤੁਹਾਡੇ ਕੋਲ ਉਤਪਾਦ ਦੇ ਬਾਰੇ ਲੋੜੀਂਦੀ ਜਾਣਕਾਰੀ ਹੈ, ਭਾਵੇਂ ਤੁਸੀਂ ਇਸਨੂੰ ਛੂਹ ਨਾ ਸਕਦੇ ਹੋਵੋ ਜਾਂ ਇਸਦਾ ਨਮੂਨਾ ਨਾ ਲੈ ਸਕਦੇ ਹੋਵੋ?
ਜੇ ਕੋਈ ਗੜਬੜ ਹੋ ਜਾਂਦੀ ਹੈ ਤਾਂ ਤੁਸੀਂ ਕੀ ਕਰ ਸਕਦੇ ਹੋ?
ਕਾਰੋਬਾਰ ਇਸ ਗੱਲ ਨੂੰ ਕਿਵੇਂ ਯਕੀਨੀ ਬਣਾਏਗਾ ਕਿ ਤੁਹਾਡੀ ਨਿੱਜੀ ਅਤੇ ਮਾਲੀ ਜਾਣਕਾਰੀ ਗੁਪਤ ਅਤੇ ਸੁਰੱਖਿਅਤ ਹੈ?
ਇਸ ਤੋਂ ਪਹਿਲਾਂ ਕਿ ਤੁਸੀਂ ਕੋਈ ਚੀਜ਼ ਆਨਲਾਈਨ ਖਰੀਦੋ, ਆਨਲਾਈਨ ਕਾਰੋਬਾਰ ਬਾਰੇ ਜਿੰਨੀ ਹੋ ਸਕੇ ਵੱਧ ਜਾਣਕਾਰੀ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰੋ।  ਉਹਨਾਂ ਦੀ ਵੈਬਸਾਈਟ 'ਤੇ ਉਹਨਾਂ ਦੀਆਂ ਵਾਪਸੀ ਅਤੇ ਵਟਾਂਦਰੇ ਬਾਰੇ ਨੀਤੀਆਂ ਅਤੇ ਮਾਲ ਭਿਜਵਾਈ ਦੇ ਖਰਚਿਆਂ ਸਮੇਤ ਸਾਰੀ ਸਮੱਗਰੀ ਪੜ੍ਹੋ। ਤੁਸੀਂ ਸ਼ਾਇਦ ਖਪਤਕਾਰ ਪ੍ਰਕਾਸ਼ਨ ਵੀ ਦੇਖਣੇ ਚਾਹੋ।

ਤੁਹਾਡੀ ਕ੍ਰੈਡਿਟ ਰਿਪੋਰਟ
ਤੁਹਾਨੂੰ ਆਪਣੀ ਕ੍ਰੈਡਿਟ ਰਿਪੋਰਟ ਸਾਲ ਵਿੱਚ ਇਕ ਵਾਰੀ ਇਹ ਯਕੀਨੀ ਬਣਾਉਣ ਲਈ ਦੇਖਣੀ ਚਾਹੀਦੀ ਹੈ ਕਿ ਇਹ ਸਟੀਕ ਹੈ ਅਤੇ ਇਸ ਵਿੱਚ ਕੋਈ ਅਜਿਹੇ ਉਧਾਰ ਜਾਂ ਗਤੀਵਿਧੀਆਂ ਸ਼ਾਮਲ ਨਹੀਂ ਹਨ ਜਿਹਨਾਂ ਨੂੰ ਤੁਸੀਂ ਪ੍ਰਵਾਨ ਨਹੀਂ ਕੀਤਾ ਹੈ। ਜੇ ਤੁਹਾਡੀ ਕ੍ਰੈਡਿਟ ਰਿਪੋਰਟ ਵਿੱਚ ਕੋਈ ਸਮੱਸਿਆ ਹੈ ਤਾਂ ਤੁਸੀਂ ਇਸ ਨੂੰ ਸੋਧਣ ਲਈ ਜਾਂ ਕੋਈ ਵੀ ਮੁੱਦਿਆਂ ਨਾਲ ਨਜਿੱਠਣ ਲਈ ਅਪੀਲ ਕਰ ਸਕਦੇ ਹੋ ਜਿਵੇਂ ਕਿ ਕੋਈ ਹੋਰ ਵਿਅਕਤੀ ਤੁਹਾਡੀ ਨਿੱਜੀ ਜਾਣਕਾਰੀ ਨੂੰ ਆਪਣੀ ਬਣਾ ਕੇ ਵਰਤ ਰਿਹਾ ਹੈ:

ਕੈਨੇਡਾ ਵਿੱਚ ਦੋ ਮੁੱਖ ਕ੍ਰੈਡਿਟ ਬਿਊਰੋ ਹਨ: ਈਕੁਈਫੈਕਸ ਕੈਨੇਡਾ (Equifax Canada) (1) ਅਤੇ ਟ੍ਰਾਂਸਯੂਨੀਅਨ ਕੈਨੇਡਾ (TransUnion Canada) (2)। ਤੁਸੀਂ ਡਾਕ ਰਾਹੀਂ ਆਪਣੀ ਕ੍ਰੈਡਿਟ ਰਿਪੋਰਟ ਦੀ ਮੁਫਤ ਕਾਪੀ ਉਹਨਾਂ ਤੋਂ ਮੰਗ ਸਕਦੇ ਹੋ ਜਾਂ ਫੀਸ ਦੇ ਕੇ ਆਨਲਾਈਨ ਇਸ ਤੱਕ ਪਹੁੰਚ ਕਰ ਸਕਦੇ ਹੋ। ਹੋਰ ਜਾਣਕਾਰੀ ਲਈ, ਕਾਲ ਕਰੋ:

ਈਕੁਈਫੈਕਸ ਕੈਨੇਡਾ:

ਟੌਲ-ਫ਼੍ਰੀ: 1-800-465 7166

ਟ੍ਰਾਂਸਯੂਨੀਅਨ ਕੈਨੇਡਾ:

ਟੌਲ-ਫ਼੍ਰੀ: 1-800-663-9980

ਜੇ ਤੁਹਾਡਾ ਕ੍ਰੈਡਿਟ ਕਾਰਡ ਗੁੰਮ ਜਾਂ ਚੋਰੀ ਹੋ ਜਾਂਦਾ ਹੈ
ਆਪਣੀਆਂ ਕ੍ਰੈਡਿਟ ਕਾਰਡ ਕੰਪਨੀਆਂ ਅਤੇ ਸਰਕਾਰੀ ਸੰਸਥਾਵਾਂ ਨੂੰ ਇਹ ਦੱਸਣਾ ਤੁਹਾਡੇ 'ਤੇ ਨਿਰਭਰ ਕਰਦਾ ਹੈ ਕਿ ਤੁਹਾਡੀ ਪਛਾਣ ਗੁੰਮ ਜਾਂ ਚੋਰੀ ਹੋ ਗਈ ਹੈ। ਜੇ ਤੁਹਾਡੇ ਕ੍ਰੈਡਿਟ ਕਾਰਡ ਗੁੰਮ ਜਾਂ ਚੋਰੀ ਹੋ ਗਏ ਹਨ ਤਾਂ ਤੁਰੰਤ ਆਪਣੀਆਂ ਕ੍ਰੈਡਿਟ ਕਾਰਡ ਕੰਪਨੀਆਂ ਨਾਲ ਸੰਪਰਕ ਕਰੋ। ਜਿਸ ਕਿਸੇ ਨੇ ਤੁਹਾਡੇ ਕ੍ਰੈਡਿਟ ਕਾਰਡ ਚੋਰੀ ਕੀਤਾ ਹੈ, ਉਹ ਫੌਰਨ ਉਹਨਾਂ ਦੀ ਵਰਤੋਂ ਕਰਨ ਜਾਵੇਗਾ।

ਜੇ ਤੁਸੀਂ ਆਪਣਾ ਬਟੂਆ ਅਤੇ ਸਰਕਾਰੀ ਪਛਾਣ ਦੇ ਕਾਰਡ ਜਿਵੇਂ ਕਿ ਜਨਮ ਪ੍ਰਮਾਣ ਪੱਤਰ, ਹੈਲਥ ਕਾਰਡ, ਡ੍ਰਾਈਵਰਜ਼ ਲਾਇਸੰਸ, ਹੈਲਥ ਕਾਰਡ, ਜਾਂ ਸੋਸ਼ਲ ਇੰਸ਼ੋਰੈਂਸ ਨੰਬਰ (social insurance number) (SIN) ਕਾਰਡ ਗੁਆ ਲਏ ਹਨ ਤਾਂ ਫੌਰਨ ਇਹ ਕਦਮ ਚੁੱਕੋ:

ਆਪਣੇ ਗੁਆਚੇ ਹੋਏ ਬੈਂਕ ਅਤੇ/ਜਾਂ ਕ੍ਰੈਡਿਟ ਕਾਰਡਾਂ ਦੀ ਸੂਚਨਾ ਦੇਣ ਅਤੇ ਉਹਨਾਂ ਨੂੰ ਰੱਦ ਕਰਨ ਲਈ ਆਪਣੀਆਂ ਮਾਲੀ ਸੰਸਥਾਵਾਂ ਨਾਲ ਸੰਪਰਕ ਕਰੋ।
ਆਪਣੀ ਸਥਾਨਕ ਪੁਲਿਸ ਨਾਲ ਸੰਪਰਕ ਕਰੋ ਅਤੇ ਇਹ ਸੂਚਨਾ ਦਿਓ ਕਿ ਤੁਹਾਡਾ ਬਟੂਆ ਗੁੰਮ ਹੋ ਗਿਆ ਹੈ ਜਾਂ ਚੋਰੀ ਕਰ ਲਿਆ ਗਿਆ ਹੈ। ਜੇ ਤੁਹਾਡਾ ਬਟੂਆ ਮਿਲ ਜਾਂਦਾ ਹੈ ਤਾਂ ਪੁਲੀਸ ਤੁਹਾਨੂੰ ਸੰਪਰਕ ਕਰ ਸਕੇਗੀ।
ਜੇ ਤੁਸੀਂ ਪਛਾਣ ਦੀ ਚੋਰੀ ਹੋਣ ਦੇ ਸ਼ਿਕਾਰ ਹੋਏ ਹੋ ਤਾਂ ਆਰਸੀਐਮਪੀ (RCMP) ਫ਼ੋਨਬਸਟਰਜ਼ (PhoneBusters) ਨਾਲ ਇਸ ਨੰਬਰ 'ਤੇ ਸੰਪਰਕ ਕਰੋ:
ਟੌਲ-ਫ਼੍ਰੀ: 1-888-495-8501
ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਈਕੁਈਫੈਕਸ ਕੈਨੇਡਾ:
http://findlink.at/equifax

(2) ਟ੍ਰਾਂਸਯੂਨੀਅਨ ਕੈਨੇਡਾ:
http://findlink.at/transunion

ਨੋਟ


ਕਾਪੀਰਾਈਟ -

ਇੱਕ ਖ਼ਪਤਕਾਰ ਦੇ ਤੌਰ `ਤੇ ਮੇਰੇ ਹੱਕਾਂ ਨੂੰ ਸੁਰੱਖਿਅਤ ਕਰਨ ਵਿੱਚ ਸਰਕਾਰ ਦੀ ਕੀ ਭੂਮਿਕਾ ਹੈ?
ਫੈਡਰਲ (federal) ਸਰਕਾਰ ਸਾਰੇ ਦੇਸ਼ ਵਿੱਚ ਬਾਜ਼ਾਰਾਂ-ਮੰਡੀਆਂ ਦੇ ਮਾਪਦੰਡ ਲਾਗੂ ਕਰਨ ਲਈ ਜ਼ਿੰਮੇਵਾਰ ਹੈ। ਉਹ ਇਹ ਗੱਲ ਵੀ ਯਕੀਨੀ ਬਣਾਉਂਦੀ ਹੈ ਕਿ ਉਤਪਾਦਕਾਂ, ਵਪਾਰੀਆਂ ਅਤੇ ਖ਼ਪਤਕਾਰਾਂ ਲਈ ਇੱਕ ਨਿਆਂਪੂਰਨ, ਕਾਰਜ-ਕੁਸ਼ਲ ਅਤੇ ਪ੍ਰਤੀਯੋਗੀ ਮੰਡੀ ਦੀ ਹਿਮਾਇਤ ਲਈ ਨੀਤੀਆਂ ਮੌਜੂਦ ਹੋਣ।

ਉਤਪਾਦ ਸੁਰੱਖਿਆ (ਸਿਵਾਏ ਬਿਜਲੀ ਦੇ ਸਾਮਾਨ ਦੇ), ਪ੍ਰਤੀਯੋਗਤਾ, ਲੇਬਲ ਲਾਉਣ, ਵਸਤਾਂ ਦੇ ਵਜ਼ਨ ਅਤੇ ਮਾਪਾਂ ਉੱਤੇ ਵੀ ਫੈਡਰਲ ਸਰਕਾਰ ਦੇ ਕਾਨੂੰਨ ਲਾਗੂ ਹੁੰਦੇ ਹਨ। ਇੰਡਸਟਰੀ ਕੈਨੇਡਾ (Industry Canada) ਅਤੇ ਪਬਲਿਕ ਵਰਕਸ ਐਂਡ ਗੌਰਮਿੰਟ ਸਰਵਿਸਿਜ਼ ਕੈਨੇਡਾ (Public Works and Government Services Canada) ਜਾਂ ਪੀ.ਡਬਲਯੂ.ਜੀ.ਐੱਸ.ਸੀ. (PWGSC) ਵੀ ਆਪਣੀਆਂ ਵੈੱਬਸਾਈਟਾਂ `ਤੇ ਖ਼ਪਤਕਾਰਾਂ ਲਈ ਜਾਣਕਾਰੀ ਪੇਸ਼ ਕਰਦੇ ਹਨ।

ਤੁਸੀਂ ਕੈਨੇਡੀਅਨ ਕੰਜ਼ਿਊਮਰ ਇਨਫ਼ਰਮੇਸ਼ਨ ਗੇਟਵੇ (Canadian Consumer Information Gateway) ਜਾਂ ਸੀ.ਸੀ.ਆਈ.ਜੀ. (CCIG) (1) ਦੀ ਵੈੱਬਸਾਈਟ ਵੀ ਵੇਖ ਸਕਦੇ ਹੋ ਜਿਸ ਉੱਤੇ ਖ਼ਪਤਕਾਰਾਂ ਲਈ ਭਰੋਸੇਯੋਗ ਜਾਣਕਾਰੀ ਮੌਜੂਦ ਹੈ ਅਤੇ ਜੋ ਇਹ ਗੱਲ ਯਕੀਨੀ ਬਣਾਉਂਦੀ ਹੈ ਕਿ ਮੰਡੀ ਇੱਕ ਨਿਆਂਕਾਰੀ ਜਗ੍ਹਾ ਹੋਵੇ ਜਿੱਥੇ ਸਾਰੇ ਕਾਰੋਬਾਰ ਖ਼ਪਤਕਾਰਾਂ ਦੀ ਸੁਰੱਖਿਆ ਦੇ ਕਾਨੂੰਨਾਂ ਦਾ ਸਤਿਕਾਰ ਕਰਨ। ਇੱਥੇ ਕੈਨੇਡਾ ਭਰ ਦੇ 400 ਤੋਂ ਵੀ ਵਧੇਰੇ ਫੈਡਰਲ ਅਤੇ ਸੂਬਾਈ ਮਹਿਕਮਿਆਂ ਅਤੇ ਇਜੰਸੀਆਂ ਬਾਰੇ ਜਾਣਕਾਰੀ ਵੀ ਦਰਜ ਹੈ। ਵਧੇਰੇ ਜਾਣਕਾਰੀ ਲਈ ਸੀ.ਸੀ.ਆਈ.ਜੀ. ਨਾਲ ਸੰਪਰਕ ਕਰੋ:

ਔਟਵਾ: 613-946-2576

ਸੂਬਾਈ (provincial) ਸਰਕਾਰ ਵਿਕਰੀ ਦੀਆਂ ਸ਼ਰਤਾਂ, ਕਾਰੋਬਾਰੀ ਰਵਾਇਤਾਂ, ਜਨਤਕ ਸੁਰੱਖਿਆ ਅਤੇ ਲਸੰਸ ਪ੍ਰਣਾਲੀ ਵਰਗੀਆਂ ਗੱਲਾਂ ਲਈ ਜ਼ਿੰਮੇਵਾਰ ਹੈ। ਉਨਟਾਰੀਓ ਵਿੱਚ ਸੇਵਾਵਾਂ ਮੁੱਖ ਤੌਰ `ਤੇ ਮਨਿਸਟਰੀ ਆਫ਼ ਕੰਜ਼ਿਊਮਰ ਸਰਵਿਸਿਜ਼ (Ministry of Consumer Services) (2) ਵੱਲੋਂ, ਜਾਂ, ਕੁੱਝ ਮਾਮਲਿਆਂ ਵਿੱਚ ਮਿਊਨਿਸਪੈਲਟੀਆਂ ਵੱਲੋਂ ਨੇਮਬੱਧ ਕੀਤੀਆਂ ਜਾਂਦੀਆਂ ਹਨ। ਤੁਸੀਂ ਮਨਿਸਟਰੀ ਆਫ਼ ਕੰਜ਼ਿਊਮਰ ਸਰਵਿਸਿਜ਼ ਦੀ ਕੰਜ਼ਿਊਮਰ ਪ੍ਰੋਟੈਕਸ਼ਨ ਬਰਾਂਚ (Consumer Protection Branch) ਨਾਲ ਵੀ ਹੇਠਾਂ ਦਰਜ ਨੰਬਰਾਂ `ਤੇ ਸੰਪਰਕ ਕਰ ਸਕਦੇ ਹੋ:

ਟੋਲ-ਫ੍ਰੀ: 1-800-889-9768

ਟੋਰਾਂਟੋ: 416-326-8800

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਕੈਨੇਡੀਅਨ ਕੰਜ਼ਿਊਮਰ ਇਨਫ਼ਰਮੇਸ਼ਨ ਗੇਟਵੇ (Canadian Consumer Information Gateway) ਜਾਂ ਸੀ.ਸੀ.ਆਈ.ਜੀ. (CCIG):
http://findlink.at/consumer

(2) ਮਨਿਸਟਰੀ ਆਫ਼ ਕੰਜ਼ਿਊਮਰ ਸਰਵਿਸਿਜ਼ (Ministry of Consumer Services):
http://findlink.at/mcs

ਨੋਟ


ਕਾਪੀਰਾਈਟ -

ਖ਼ਪਤਕਾਰ ਦੇ ਤੌਰ ਤੇ ਮੈਂ ਕੋਈ ਸ਼ਿਕਾਇਤ ਕਿਵੇਂ ਕਰਾਂ?
ਜੇ ਤੁਸੀਂ ਕਿਸੇ ਅਜਿਹੇ ਉਤਪਾਦ ਜਾਂ ਸੇਵਾ ਤੋਂ ਖੁਸ਼ ਨਹੀਂ ਹੋ ਜਿਸ ਲਈ ਤੁਸੀਂ ਪੈਸੇ ਦੇ ਚੁੱਕੇ ਹੋ, ਤੁਹਾਨੂੰ ਸ਼ਿਕਾਇਤ ਕਰਨੀ ਚਾਹੀਦੀ ਹੈ। ਇੱਕ ਖ਼ਪਤਕਾਰ ਦੇ ਤੌਰ `ਤੇ ਮਾੜੇ ਉਤਪਾਦਾਂ ਅਤੇ ਸੇਵਾਵਾਂ ਬਾਰੇ ਸ਼ਿਕਾਇਤ ਕਰਨ ਦੀ ਜ਼ਿੰਮੇਵਾਰੀ ਤੁਹਾਡੀ ਹੈ। ਜੇ ਤੁਸੀਂ ਅਸਰਦਾਰ ਤਰੀਕੇ ਨਾਲ ਸ਼ਿਕਾਇਤ ਕਰਨ ਵਿੱਚ ਕਾਮਯਾਬ ਹੁੰਦੇ ਹੋ ਤਾਂ ਇਸ ਦਾ ਫਾਇਦਾ ਤੁਹਾਨੂੰ ਅਤੇ ਹੋਰਨਾਂ ਨੂੰ ਹੋਵੇਗਾ, ਅਤੇ ਹੋ ਸਕਦਾ ਹੈ ਇਸ ਨਾਲ ਕੰਪਨੀ ਨੂੰ ਆਪਣੇ ਉਤਪਾਦ ਅਤੇ ਸੇਵਾਵਾਂ ਸੁਧਾਰਨੀਆਂ ਪੈਣ।

ਤੁਹਾਡੀ ਸ਼ਿਕਾਇਤ ਜਾਇਜ਼ ਹੁੰਦੀ ਹੈ ਜੇ:

ਉਤਪਾਦ ਜਾਂ ਸੇਵਾ ਉਸ ਤਰੀਕੇ ਨਾਲ ਕਾਰਜ ਨਾ ਕਰੇ ਜਿਸ ਤਰੀਕੇ ਇਸ ਨੂੰ ਕਰਨਾ ਚਾਹੀਦਾ ਸੀ, ਅਤੇ
ਤੁਸੀਂ ਉਤਪਾਦ ਦੀ ਸਹੀ ਦੇਖ-ਰੇਖ ਕੀਤੀ ਅਤੇ ਇਸ ਦਾ ਧਿਆਨ ਰੱਖਿਆ ਹੈ, ਅਤੇ ਵਰੰਟੀ ਦੀਆਂ ਸ਼ਰਤਾਂ ਦੀ ਪਾਲਣਾ ਕੀਤੀ ਹੈ।
ਤੁਸੀਂ ਫੋਨ ਕਰ ਕੇ, ਪੱਤਰ ਲਿਖ ਕੇ, ਕਿਸੇ ਅਦਾਰੇ ਕੋਲ ਸ਼ਿਕਾਇਤ ਦਾਇਰ ਕਰ ਕੇ ਜਾਂ ਛੋਟੇ ਮਾਮਲਿਆਂ ਵਾਲੀ (Small Claims) ਅਦਾਲਤ ਵਿੱਚ ਪੇਸ਼ ਹੋ ਕੇ ਖ਼ਪਤਕਾਰ ਸ਼ਿਕਾਇਤ ਦਰਜ ਕਰਾ ਸਕਦੇ ਹੋ।

ਫ਼ੋਨ ਕਰੋ
ਤੁਹਾਡੇ ਵੱਲੋਂ ਚੁੱਕਿਆ ਜਾਣ ਵਾਲਾ ਪਹਿਲਾ ਕਦਮ ਆਮ ਤੌਰ `ਤੇ ਕੰਪਨੀ ਨੂੰ ਫ਼ੋਨ ਕਰਨਾ ਹੁੰਦਾ ਹੈ।

ਫ਼ੋਨ ਕਰਨ ਤੋਂ ਪਹਿਲਾਂ ਉਤਪਾਦ ਜਾਂ ਸੇਵਾ ਅਤੇ ਆਪਣੀ ਸ਼ਿਕਾਇਤ ਦੇ ਵੇਰਵੇ ਲਿਖ ਲਓ। ਮਿਸਾਲ ਵਜੋਂ, ਤਾਰੀਖ਼, ਸਮਾਂ, ਕੰਪਨੀ ਵਿੱਚ ਜਿਨ੍ਹਾਂ ਵਿਅਕਤੀਆਂ ਨਾਲ ਤੁਸੀਂ ਗੱਲਬਾਤ ਕੀਤੀ ਹੋਵੇ, ਉਨ੍ਹਾਂ ਦੇ ਨਾਮ ਅਤੇ ਅਹੁਦੇ ਲਿਖ ਰੱਖੋ। ਵਰੰਟੀਆਂ, ਗਰੰਟੀਆਂ, ਰਸੀਦਾਂ ਅਤੇ ਬਿੱਲਾਂ ਵਰਗੇ ਕਾਗਜ਼ਾਤ ਇਕੱਠੇ ਕਰ ਲਓ।

ਜਦੋਂ ਤੁਸੀਂ ਫ਼ੋਨ ਕਰੋਂ, ਉਤਪਾਦ ਜਾਂ ਸੇਵਾ ਸਬੰਧੀ ਪੇਸ਼ ਆ ਰਹੀ ਮੁਸ਼ਕਲਾਂ ਬਿਆਨ ਕਰੋ। ਤਸੱਲੀਬਖ਼ਸ਼ ਹੱਲ ਲਈ ਸੌਦੇਬਾਜ਼ੀ ਕਰਨ, ਅਤੇ ਕੋਈ ਵਾਅਦਾ ਲੈਣ ਅਤੇ ਮੁਸ਼ਕਲ ਦੇ ਹੱਲ ਲਈ ਕੋਈ ਤਾਰੀਖ਼ ਮਿੱਥਣ ਦੀ ਕੋਸ਼ਿਸ਼ ਕਰੋ। ਜੇ ਮਿੱਥੀ ਤਾਰੀਖ਼ ਤਕ ਮੁਸ਼ਕਲ ਹੱਲ ਨਾ ਹੋਵੇ ਤਾਂ ਕਿਸੇ ਮੈਨੇਜਰ ਵਰਗੇ ਅਜਿਹੇ ਵਿਅਕਤੀ ਨਾਲ ਗੱਲ ਕਰਵਾਏ ਜਾਣ ਲਈ ਆਖੋ, ਜਿਵੇਂ ਕਿ ਮੈਨੇਜਰ, ਜਿਹੜਾ ਫੈਸਲਾ ਕਰਨ ਦੇ ਸਮਰੱਥ ਹੋਵੇ। ਜਦੋਂ ਤਕ ਤੁਹਾਨੂੰ ਲੱਗੇ ਕਿ ਤੁਸੀਂ ਉਹ ਸਾਰੀਆਂ ਗੱਲਾਂ ਮਨਵਾ ਨਹੀਂ ਲਈਆਂ ਜਿਨ੍ਹਾਂ ਲਈ ਫੋਨ ਕੀਤਾ ਸੀ, ਫੋਨ ਕੱਟੋ ਨਾ।

ਪੱਤਰ ਲਿਖੋ
ਜੇ ਤੁਸੀਂ ਫ਼ੋਨ ਕਾਲ ਰਾਹੀਂ ਮਾਮਲਾ ਹੱਲ ਨਹੀਂ ਕਰਵਾ ਸਕੇ ਤਾਂ ਤੁਸੀਂ ਕੰਪਨੀ ਨੂੰ ਚਿੱਠੀ ਲਿਖ ਸਕਦੇ ਹੋ। ਤੁਹਾਡੀ ਚਿੱਠੀ ਵਿੱਚ ਤਿੰਨ ਹਿੱਸੇ ਦਰਜ ਹੋਣੇ ਚਾਹੀਦੇ ਹਨ:

ਮੁਸ਼ਕਲ ਬਿਆਨ ਕਰੋ ਅਤੇ ਸਾਰੇ ਵੇਰਵੇ ਦੱਸੋ, ਜਿਵੇਂ ਪੇਸ਼ ਕੀਤੀ ਗਈ ਸੇਵਾ ਜਾਂ ਖ਼ਰੀਦਿਆ ਗਿਆ ਉਤਪਾਦ, ਉਤਪਾਦ ਦੀ ਬਣਤ, ਬਰਾਂਡ ਮਾਰਕਾ ਅਤੇ ਸੀਰੀਅਲ ਨੰਬਰ, ਕੀਮਤ, ਕਿੱਥੇ ਖ਼ਰੀਦਿਆ ਸੀ, ਸੇਲਜ਼ਪਰਸਨ ਦਾ ਨਾਮ, ਸਮੱਸਿਆ ਦਾ ਪਤਾ ਲੱਗਣ ਦੀ ਤਾਰੀਖ਼, ਵਰੰਟੀ ਦੀਆਂ ਸ਼ਰਤਾਂ ਅਤੇ ਹੋਰ ਕੋਈ ਵੀ ਗੱਲ ਜੋ ਤੁਹਾਡੇ ਮਨ ਵਿੱਚ ਆਵੇ।
ਆਪਣੀ ਬੇਨਤੀ ਕਰਨਾ। ਦੱਸੋ ਕਿ ਮੁਸ਼ਕਲ ਦੇ ਹੱਲ ਲਈ ਕੰਪਨੀ ਕੀ ਕਰ ਸਕਦੀ ਹੈ। ਮਿਸਾਲ ਵਜੋਂ, ਤੁਸੀਂ ਕਹਿ ਸਕਦੇ ਹੋ ਕਿ ਜਾਂ ਤਾਂ ਕੰਪਨੀ ਉਤਪਾਦ ਵਾਪਸ ਲਵੇ ਜਾਂ ਇਸ ਦੀ ਮੁਰੰਮਤ ਕਰੇ। ਕਿਸੇ ਅਜਿਹੀ ਤਾਰੀਖ਼ ਦੀ ਮੰਗ ਵੀ ਕਰੋ ਜਿਸ ਤਕ ਤੁਸੀਂ ਮੁਸ਼ਕਲ ਹੱਲ ਕੀਤੀ ਜਾਣੀ ਚਾਹੁੰਦੇ ਹੋਵੋਂ, ਜਿਵੇਂ ਕਿ ਪੱਤਰ ਦੀ ਤਾਰੀਖ਼ ਤੋਂ 2 ਜਾਂ 3 ਹਫ਼ਤੇ ਬਾਅਦ ਤਕ।
ਆਪਣੀ ਵਿਉਂਤ ਦਾ ਵੇਰਵਾ ਦੇਣਾ। ਦੱਸੋ ਕਿ ਜੇਕਰ ਕੰਪਨੀ ਨੇ ਮੁਸ਼ਕਲ ਦਾ ਹੱਲ ਨਾ ਕੀਤਾ ਤਾਂ ਤੁਸੀਂ ਅੱਗੋਂ ਕੀ ਕਾਰਵਾਈ ਕਰ ਸਕਦੇ ਹੋ। ਮਿਸਾਲ ਵਜੋਂ, ਤੁਸੀਂ ਛੋਟੇ ਮਾਮਲਿਆਂ ਵਾਲੀ ਅਦਾਲਤ ਤੋਂ ਮਦਦ ਮੰਗ ਸਕਦੇ ਹੋ, ਜਾਂ ਤੁਸੀਂ ਸਰਕਾਰੀ ਅਦਾਰੇ ਕੋਲ ਸ਼ਿਕਾਇਤ ਦਾਇਰ ਕਰ ਸਕਦੇ ਹੋ।
ਸ਼ਿਕਿੲਤ ਦਾਇਰ ਕਰਨਾ
ਜੇ ਹਾਲੇ ਵੀ ਤੁਹਾਨੂੰ ਕੰਪਨੀ ਤੋਂ ਤਸੱਲੀਬਖ਼ਸ਼ ਜਵਾਬ ਨਾ ਮਿਲੇ ਤਾਂ ਤੁਸੀਂ ਸ਼ਿਕਾਇਤ ਦਾਇਰ ਕਰਨ ਲਈ ਕਿਸੇ ਤੀਜੀ ਧਿਰ ਨਾਲ ਸੰਪਰਕ ਕਰ ਸਕਦੇ ਹੋ। ਤੁਹਾਡੀ ਸ਼ਿਕਾਇਤ ਲੈਣ ਵਾਲੇ ਅਦਾਰਿਆਂ ਦੀਆਂ ਕੁੱਝ ਮਿਸਾਲਾਂ ਹੇਠਾਂ ਦਰਜ ਹਨ:

ਮਨਿਸਟਰੀ ਆਫ ਕੰਜ਼ਿਊਮਰ ਸਰਵਿਸਿਜ਼ (Ministry of Consumer Services) ਦੀ ਕੰਜ਼ਿਊਮਰ ਪ੍ਰੋਟੈਕਸ਼ਨ ਬਰਾਂਚ (Consumer Protection Branch) (1) ਖ਼ਪਤਕਾਰ ਸੁਰੱਖਿਆ, ਕਾਰੋਬਾਰੀ ਰਵਾਇਤਾਂ ਅਤੇ ਜਨਤਕ ਸੁਰੱਖਿਆ ਨਾਲ ਸਬੰਧਤ ਸ਼ਿਕਾਇਤਾਂ ਦੀ ਸੁਣਵਾਈ ਕਰਦੀ ਹੈ। ਵਧੇਰੇ ਜਾਣਕਾਰੀ ਲਈ ਫ਼ੋਨ ਕਰੋ:
ਟੋਲ-ਫ੍ਰੀ: 1-800-889-9768
ਟੋਰਾਂਟੋ ਇਲਾਕੇ ਵਿੱਚ: 416-326-8800
ਬੈਟਰ ਬਿਜ਼ਨੈੱਸ ਬਿਊਰੋ (Better Business Bureau) ਜਾਂ ਬੀ.ਬੀ.ਬੀ. (BBB) ਸਥਾਨਕ ਕਾਰੋਬਾਰਾਂ ਬਾਰੇ ਸ਼ਿਕਾਇਤਾਂ ਵਸੂਲ ਕਰਦਾ ਹੈ। ਆਪਣੇ ਇਲਾਕੇ ਵਿਚਲੇ ਬੀ.ਬੀ.ਬੀ. ਦਾ ਪਤਾ ਕਰਨ ਲਈ ਕੈਨੇਡੀਅਨ ਕੌਂਸਲ ਆਫ਼ ਬੈਟਰ ਬਿਜ਼ਨੈੱਸ ਬਿਊਰੋਜ਼ (Canadian Council of Better Business Bureaus) (2) ਨੂੰ ਫ਼ੋਨ ਕਰੋ:
ਔਟਵਾ: 613-789-5151
ਨੇਮਬੱਧ ਕਰਨ ਵਾਲੇ ਉਦਯੋਗ-ਵਿਸ਼ੇਸ਼ ਇਜੰਸੀਆਂ ਅਤੇ ਕਾਰੋਬਾਰੀ ਅਦਾਰੇ ਜਿਹੜੇ ਖਾਸ ਕਿਮਸ ਦੇ ਉਤਪਾਦਾਂ ਅਤੇ ਸੇਵਾਵਾਂ ਬਾਰੇ ਸ਼ਿਕਾਇਤਾਂ ਨਾਲ ਵਾਹ ਰੱਖਦੇ ਹਨ।
ਛੋਟੇ ਮਾਮਲਿਆਂ ਵਾਲੀ ਅਦਾਲਤ ਵਿੱਚ ਜਾਣਾ
ਜੇ ਤੁਸੀਂ ਆਪਣਾ ਝਗੜਾ ਉੱਪਰ ਦੱਸੇ ਤਰੀਕਿਆਂ ਨਾਲ ਨਹੀਂ ਨਿਪਟਾ ਸਕਦੇ ਤਾਂ ਤੁਹਾਨੂੰ ਛੋਟੇ ਮਾਮਲਿਆਂ ਦੀ ਅਦਾਲਤ (Small Claims Court) ਵਿੱਚ ਜਾਣਾ ਚਾਹੀਦਾ ਹੈ। ਦਾਅਵਾ ਦਾਇਰ ਕਰਨ ਦੀ ਕਾਰਵਾਈ ਬਾਰੇ ਪਤਾ ਕਰਨ ਲਈ ਛੋਟੇ ਮਾਮਲਿਆਂ ਸਬੰਧੀ ਆਪਣੀ ਸਥਾਨਕ ਅਦਾਲਤ ਦੇ ਦਫ਼ਤਰ (3) ਨਾਲ ਸੰਪਰਕ ਕਰੋ। ਆਪਣੇ ਇਲਾਕੇ ਦੀ ਕਿਸੇ ਅਦਾਲਤ ਦੇ ਪਤੇ ਲਈ ਮਨਿਸਟਰੀ ਆਫ਼ ਦ ਐਟਾਰਨੀ ਜਨਰਲ (Ministry of the Attorney General) ਨੂੰ ਫ਼ੋਨ ਕਰੋ:

ਟੋਲ-ਫ੍ਰੀ: 1-800-518-7901

ਟੋਰਾਂਟੋ ਇਲਾਕੇ ਵਿੱਚ: 416-326-2220

ਸ਼ਿਕਾਇਤ ਦੀ ਕਾਰਵਾਈ ਵਿੱਚ ਅਨੇਕਾਂ ਏਜੰਸੀਆਂ ਤੁਹਾਡੀ ਮਦਦ ਕਰ ਸਕਦੀਆਂ ਹਨ। ਮਦਦ ਲਈ ਕਿਸੇ ਨੁਮਾਇੰਦੇ ਨਾਲ ਗੱਲ ਕਰਨ ਵਾਸਤੇ ਤੁਸੀਂ ਆਪਣੇ ਨੇੜੇ ਦੇ ਕਿਸੇ ਕਮਿਊਨਿਟੀ ਇਨਫ਼ਰਮੇਸ਼ਨ ਸੈਂਟਰ (Community Information Centre) ਜਾਂ ਸੀ.ਆਈ.ਸੀ. (CIC) (4) ਵਿਖੇ ਜਾ ਸਕਦੇ ਹੋ ਜਾਂ ਆਪਣੇ ਫ਼ੋਨ ਤੋਂ 2-1-1 ਡਾਇਲ ਕਰੋ।

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਕੰਜ਼ਿਊਮਰ ਪ੍ਰੋਟੈਕਸ਼ਨ ਬਰਾਂਚ (Consumer Protection Branch) - ਮਨਿਸਟਰੀ ਆਫ ਕੰਜ਼ਿਊਮਰ ਸਰਵਿਸਿਜ਼ (Ministry of Consumer Services):
http://findlink.at/mcs

(2) ਕੈਨੇਡੀਅਨ ਕੌਂਸਲ ਆਫ਼ ਬੈਟਰ ਬਿਜ਼ਨੈੱਸ ਬਿਊਰੋਜ਼ (Canadian Council of Better Business Bureaus):
http://findlink.at/bbb-bec

(3) ਸਮਾਲ ਕਲੇਮਜ਼ ਕੋਰਟ (Small Claims Court)ਦਾ ਸਥਾਨਕ ਦਫ਼ਤਰ – ਮਨਿਸਟਰੀ ਆਫ਼ ਦ ਐਟਾਰਨੀ ਜਨਰਲ (Ministry of the Attorney General):
http://findlink.at/lscco

(4) ਕਮਿਊਨਿਟੀ ਇਨਫ਼ਰਮੇਸ਼ਨ ਸੈਂਟਰ (Community Information Centre) ਜਾਂ ਸੀ.ਆਈ.ਸੀ. (CICs) :
http://www.211Ontario.ca

ਨੋਟ


ਕਾਪੀਰਾਈਟ -

ਕੀ ਮੈਂ ਕੈਨੇਡਾ ਵਿੱਚ ਟੈਕਸਾਂ ਦਾ ਭੁਗਤਾਨ ਕਰਾਂਗਾ/ਕਰਾਂਗੀ? ਮੈਂ ਕਿੰਨਾ ਭੁਗਤਾਨ ਕਰਾਂਗਾ/ਕਰਾਂਗੀ?
ਜੇ ਤੁਸੀਂ ਟੈਕਸ ਉਦੇਸ਼ਾਂ ਲਈ ਕੈਨੇਡਾ ਦੇ ਨਿਵਾਸੀ ਹੋ, ਤਾਂ ਲਾਜ਼ਮੀ ਹੈ ਤੁਸੀਂ ਇਨਕਮ ਟੈਕਸ ਰਿਟਰਨ ਫਾਈਲ ਕਰੋ ਅਤੇ ਜੇ ਤੁਹਾਡਾ ਟੈਕਸ ਬਣਦਾ ਹੈ ਤਾਂ ਉਸ ਦਾ ਭੁਗਤਾਨ ਕਰੋ।

ਟੈਕਸ ਉਦੇਸ਼ਾਂ ਲਈ ਕੈਨੇਡਾ ਦੀ ਰਿਹਾਇਸ਼ ਇਮੀਗ੍ਰੇਸ਼ਨ ਉਦੇਸ਼ਾਂ ਲਈ ਰਿਹਾਇਸ਼ ਤੋਂ ਵੱਖਰੀ ਹੁੰਦੀ ਹੈ। ਜੋ ਲੋਕ ਟੈਕਸ ਉਦੇਸ਼ਾਂ ਲਈ ਨਿਵਾਸੀ ਸਮਝੇ ਜਾ ਸਕਦੇ ਹਨ, ਉਹਨਾਂ ਵਿੱਚ ਸ਼ਾਮਲ ਹਨ:

ਕੈਨੇਡੀਅਨ ਨਾਗਰਿਕ ਅਤੇ ਪੱਕੇ ਨਿਵਾਸੀ
ਜਿਹਨਾਂ ਲੋਕਾਂ ਨੂੰ ਕੈਨੇਡਾ ਵਿੱਚ ਰਹਿਣ ਲਈ ਸਿਟੀਜ਼ਨਸ਼ਿਪ ਐਂਡ ਇਮੀਗ੍ਰੇਸ਼ਨ ਕੈਨੇਡਾ (Citizenship and Immigration Canada) (CIC) ਤੋਂ ਪ੍ਰਵਾਨਗੀ ਮਿਲੀ ਹੈ
ਰਿਫਿਊਜੀ (ਸੁਰੱਖਿਅਤ ਵਿਅਕਤੀ)
ਅਸਥਾਈ ਨਿਵਾਸੀ, ਜਿਵੇਂ ਕਿ ਵਿਦੇਸ਼ੀ ਵਿਦਿਆਰਥੀ ਜਾਂ ਵਿਦੇਸ਼ੀ ਕਰਮਚਾਰੀ
ਜਦੋਂ ਤੁਸੀਂ ਕੈਨੇਡਾ ਵਿੱਚ ਰਿਹਾਇਸ਼ੀ ਸਬੰਧ ਕਾਇਮ ਕਰਦੇ ਹੋ ਤਾਂ ਤੁਸੀਂ ਇਸ ਦੇਸ਼ ਦੇ ਨਿਵਾਸੀ ਬਣ ਜਾਂਦੇ ਹੋ। ਇਹ ਆਮ ਤੌਰ ਤੇ ਉਹ ਤਾਰੀਖ ਹੁੰਦੀ ਹੈ ਜਦੋਂ ਤੁਸੀਂ ਕੈਨੇਡਾ ਵਿੱਚ ਪਹੁੰਚਦੇ ਹੋ। ਰਿਹਾਇਸ਼ੀ ਸਬੰਧਾਂ ਵਿੱਚ ਸ਼ਾਮਲ ਹਨ:

ਕੈਨੇਡਾ ਵਿੱਚ ਇੱਕ ਮਕਾਨ
ਜੀਵਨ ਸਾਥੀ ਜਾਂ ਕਾੱਮਨ ਲਾੱਅ ਪਾਰਟਨਰ, ਅਤੇ ਤੁਹਾਡੇ ਤੇ ਨਿਰਭਰ ਵਿਅਕਤੀ ਜੋ ਤੁਹਾਡੇ ਨਾਲ ਰਹਿਣ ਲਈ ਕੈਨੇਡਾ ਆ ਜਾਂਦੇ ਹਨ
ਕੈਨੇਡਾ ਵਿੱਚ ਨਿੱਜੀ ਜਾਇਦਾਦ, ਜਿਵੇਂ ਕਿ ਕਾਰ ਜਾਂ ਫਰਨੀਚਰ
ਕੈਨੇਡਾ ਵਿੱਚ ਸਮਾਜਿਕ ਸਬੰਧ
ਹੋਰ ਸਬੰਧਾਂ ਜਿਹਨਾਂ ਤੇ ਸ਼ਾਇਦ ਵਿਚਾਰ ਕੀਤਾ ਜਾ ਸਕਦਾ ਹੈ, ਵਿੱਚ ਸ਼ਾਮਲ ਹਨ:

ਕੈਨੇਡਾ ਦਾ ਡ੍ਰਾਈਵਰ’ਸ ਲਾਇਸੰਸ
ਕੈਨੇਡਾ ਦਾ ਬੈਂਕ ਖਾਤਾ ਜਾਂ ਕ੍ਰੈਡਿਟ ਕਾਰਡਸ
ਕਿਸੇ ਕੈਨੇਡੀਅਨ ਪ੍ਰੋਵਿੰਸ ਜਾਂ ਟੈਰੇਟਰੀ ਵਿੱਚ ਸਿਹਤ ਬੀਮਾ

ਹੋਰ ਜਾਣਕਾਰੀ ਲਈ, ਕੈਨੇਡਾ ਰੈਵੇਨਿਊ ਏਜੰਸੀ (Canada Revenue Agency) (CRA) (1) ਨਾਲ ਸੰਪਰਕ ਕਰੋ:

ਟੌਲ-ਫ਼੍ਰੀ: 1-800-267-6999

ਜੇ ਮੈਂ ਕੈਨੇਡਾ ਤੋਂ ਬਾਹਰ ਹਾਂ ਤਾਂ ਕੀ ਹੁੰਦਾ ਹੈ?
ਕੈਨੇਡਾ ਰੈਵੇਨਿਊ ਏਜੰਸੀ (Canada Revenue Agency) (CRA) ਮੁਤਾਬਕ, ਟੈਕਸ ਉਦੇਸ਼ਾਂ ਲਈ ਕੈਨੇਡਾ ਵਿੱਚ ਤੁਹਾਡੀ ਰਿਹਾਇਸ਼ ਨੂੰ ਨਿਰਧਾਰਤ ਕਰਨ ਵਿੱਚ ਸਭ ਤੋਂ ਅਹਿਮ ਕਾਰਕ ਇਹ ਹੈ ਕਿ ਜਦੋਂ ਤੁਸੀਂ ਕੈਨੇਡਾ ਤੋਂ ਬਾਹਰ ਹੁੰਦੇ ਹੋ ਤਾਂ ਕੀ ਤੁਸੀਂ ਕੈਨੇਡਾ ਵਿੱਚ ਰਿਹਾਇਸ਼ੀ ਸਬੰਧ ਕਾਇਮ ਰੱਖਦੇ ਹੋ ਜਾਂ ਨਹੀਂ।

ਜੇ ਤੁਸੀਂ ਕੈਨੇਡਾ ਨਾਲ ਆਪਣੇ ਰਿਹਾਇਸ਼ੀ ਸਬੰਧ ਤੋੜ ਦਿੰਦੇ ਹੋ ਅਤੇ ਕੈਨੇਡਾ ਛੱਡ ਦਿੰਦੇ ਹੋ ਤਾਂ ਤੁਸੀਂ ਕੈਨੇਡਾ ਦੇ ਨਿਵਾਸੀ ਉਦੋਂ ਬਣੋਗੋ ਜਦੋਂ ਤੁਸੀਂ ਕੈਨੇਡਾ ਵਾਪਸ ਆ ਜਾਓਗੇ ਅਤੇ ਆਪਣੇ ਰਿਹਾਇਸ਼ੀ ਸਬੰਧ ਮੁੜ ਸਥਾਪਤ ਕਰ ਲਓਗੇ। ਐਪਰ, ਜੇ ਤੁਸੀਂ ਕੈਨੇਡਾ ਤੋਂ ਬਾਹਰ ਹੋਣ ਤੇ ਵੀ, ਕੈਨੇਡਾ ਵਿੱਚ ਰਿਹਾਇਸ਼ੀ ਸਬੰਧ ਰੱਖਦੇ ਹੋ, ਤਾਂ ਹੋ ਸਕਦਾ ਹੈ ਤੁਹਾਨੂੰ ਅਜੇ ਵੀ ਟੈਕਸ ਉਦੇਸ਼ਾਂ ਲਈ ਕੈਨੇਡਾ ਨਿਵਾਸੀ ਮੰਨਿਆ ਜਾਵੇ। ਇਸ ਸਥਿਤੀ ਵਿੱਚ, ਤੁਹਾਨੂੰ ਆਪਣੀ ਵਿਸ਼ਵਵਿਆਪੀ ਆਮਦਨ ’ਤੇ ਕੈਨੇਡਾ ਦਾ ਆਮਦਨ ਟੈਕਸ ਭਰਨਾ ਪਵੇਗਾ।

ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੇ ਨੰਬਰ ’ਤੇ ਕੈਨੇਡਾ ਰੈਵੇਨਿਊ ਏਜੰਸੀ (Canada Revenue Agency) (CRA) ਨਾਲ ਸੰਪਰਕ ਕਰੋ।

ਕੀ ਮੈਂ ਟੈਕਸ ਰਿਟਰਨ ਭਰਨੀ ਹੈ?
ਜੇ ਤੁਹਾਡਾ ਟੈਕਸ ਦੇਣਾ ਬਣਦਾ ਹੈ ਜਾਂ ਜੇ ਤੁਸੀਂ ਬਹੁਤ ਜ਼ਿਆਦਾ ਟੈਕਸ ਦਾ ਭੁਗਤਾਨ ਕੀਤਾ ਹੈ ਅਤੇ ਜੇ ਤੁਸੀਂ ਉਸ ਦਾ ਰਿਫੰਡ ਪ੍ਰਾਪਤ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਟੈਕਸ ਰਿਟਰਨ ਫਾਈਲ ਕਰਨੀ ਪੈਂਦੀ ਹੈ। ਭਾਵੇਂ ਸੂਚਨਾ ਦੇਣ ਲਈ ਤੁਹਾਡੀ ਕੋਈ ਵੀ ਆਮਦਨ ਨਾ ਬਣਦੀ ਹੋਵੇ ਜਾਂ ਭੁਗਤਾਨ ਕਰਨ ਲਈ ਕੋਈ ਟੈਕਸ ਨਾ ਬਣਦਾ ਹੋਵੇ, ਤਾਂ ਹੋ ਸਕਦਾ ਹੈ ਕਿ ਤੁਹਾਨੂੰ ਐਚ ਐਸ ਟੀ (HST) ਕ੍ਰੈਡਿਟ, ਕੈਨੇਡਾ ਚਾਈਲਡ ਟੈਕਸ ਬੈਨੇਫਿਟ (Canada Child Tax Benefit) (CCTB) ਅਤੇ ਦੂਜੇ ਪ੍ਰੋਵਿੰਸ਼ੀਅਲ ਕ੍ਰੈਡਿਟ ਮਿਲਣ। ਇਹ ਬੈਨੇਫਿਟਸ ਅਤੇ ਕ੍ਰੈਡਿਟਸ ਪ੍ਰਾਪਤ ਕਰਨ ਲਈ ਤੁਹਾਨੂੰ ਟੈਕਸ ਰਿਟਰਨ ਫਾਈਲ ਕਰਨੀ ਪਵੇਗੀ।

ਜੇ ਤੁਸੀਂ ਸਰਕਾਰੀ ਪੈਸੇ ਦੇ ਦੇਣਦਾਰ ਹੋ ਤਾਂ ਕਨੂੰਨ ਮੁਤਾਬਕ ਤੁਹਾਡੇ ਲਈ ਟੈਕਸ ਰਿਟਰਨ ਫਾਈਲ ਕਰਨਾ ਜ਼ਰੂਰੀ ਹੈ।

ਤੁਸੀਂ ਕਿਸੇ ਵੀ ਪੋਸਟ ਆਫਿਸ ਜਾਂ ਸੀ ਆਰ ਏ (CRA) ਟੈਕਸ ਸਰਵਿਸਿਜ਼ ਦਫਤਰ ਤੋਂ ਟੈਕਸ ਰਿਟਰਨ ਫਾਰਮ ਲੈ ਸਕਦੇ ਹੋ। ਤੁਸੀਂ ਸੀ ਆਰ ਏ (CRA) ਵੈਬਸਾਈਟ ਤੋਂ ਫਾਰਮਾਂ ਨੂੰ ਵੀ ਡਾਊਨਲੋਡ ਕਰ ਸਕਦੇ ਹੋ।

ਤੁਹਾਡੀ ਰਿਟਰਨ ਨੂੰ ਜਮ੍ਹਾਂ ਕਰਾਉਣ ਦੀ ਅੰਤਮ ਤਾਰੀਖ ਹਮੇਸ਼ਾ ਹਰ ਸਾਲ ਦੀ 30 ਅਪ੍ਰੈਲ ਹੁੰਦੀ ਹੈ। ਇਹ ਟੈਕਸ ਰਿਟਰਨ ਉਸ ਸਾਲ ਦੀ ਹੋਵੇਗੀ ਜੋ ਹੁਣੇ ਹੁਣੇ ਬੀਤਿਆ ਹੈ। ਮਿਸਾਲ ਲਈ ਤੁਹਾਨੂੰ 2009 ਟੈਕਸ ਸਾਲ ਲਈ ਆਪਣੀ ਟੈਕਸ ਰਿਟਰਨ 30 ਅਪ੍ਰੈਲ 2010 ਤੱਕ ਫਾਈਲ ਕਰਨੀ ਚਾਹੀਦੀ ਹੈ। ਤੁਸੀਂ ਆਪਣੀ ਰਿਟਰਨ ਇੰਟਰਨੈਟ ਦੀ ਵਰਤੋਂ ਕਰਕੇ ਇਲੈਕਟ੍ਰੋਨਿਕ ਰੂਪ ਵਿੱਚ ਜਾਂ ਡਾਕ ਦੁਆਰਾ ਫਾਈਲ ਕਰ ਸਕਦੇ ਹੋ।

ਆਪਣੀ ਰਿਟਰਨ ਫਾਈਲ ਕਰਨ ਲਈ ਤੁਹਾਨੂੰ ਆਪਣੇ ਸੋਸ਼ਲ ਇੰਸ਼ੋਰੈਂਸ ਨੰਬਰ (ਐਸਆਈਐਨ) (Social Insurance Number) (SIN) ਦੀ ਲੋੜ ਪਵੇਗੀ। ਜੇ ਤੁਹਾਡੇ ਕੋਲ ਕੋਈ ਐਸ ਆਈ ਐਨ (SIN) ਕਾਰਡ ਨਹੀਂ ਹੈ ਤਾਂ ਤੁਸੀਂ ਇਸਦੇ ਲਈ ਆਪਣੇ ਸਥਾਨਕ ਸਰਵਿਸ ਕੈਨੇਡਾ (Service Canada) (2) ਦੇ ਦਫਤਰ ਵਿਖੇ ਅਰਜ਼ੀ ਦੇ ਸਕਦੇ ਹੋ। ਜੇ ਤੁਸੀਂ ਐਸ ਆਈ ਐਨ (SIN) ਕਾਰਡ ਲਈ ਯੋਗ ਨਹੀਂ ਹੋ ਤਾਂ ਤੁਸੀਂ ਇੰਡੀਵਿਜੁਅਲ ਟੈਕਸ ਨੰਬਰ (Individual Tax Number) (ITN) ਜਾਂ ਟੈਂਪ੍ਰੇਰੀ ਟੈਕਸੇਸ਼ਨ ਨੰਬਰ (Temporary Taxation Number) (TTN) ਲਈ ਅਰਜ਼ੀ ਦੇ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਆਪਣੇ ਨੇੜੇ ਦੇ ਸਰਵਿਸ ਕੈਨੇਡਾ ਦਫਤਰ ਨਾਲ ਸੰਪਰਕ ਕਰੋ:

ਟੌਲ-ਫ਼੍ਰੀ: 1-800-206-7218

ਤੁਸੀਂ ਕਿਸੇ ਚਾਰਟਰਡ ਅਕਾਊਂਟੈਂਟ ਜਾਂ ਟੈਕਸ ਤਿਆਰ ਕਰਨ ਵਾਲੀ ਕੰਪਨੀ ਤੋਂ ਆਪਣੀ ਟੈਕਸ ਰਿਟਰਨ ਫਾਈਲ ਕਰਨ ਵਿੱਚ ਮਦਦ ਪ੍ਰਾਪਤ ਕਰ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਯੈਲੋ ਪੇਜਿਸ ਵਿੱਚ ਅਕਾਊਂਟੈਂਟਸ ("Accountants") (ਲੇਖਾਕਾਰ) ਜਾਂ  ਟੈਕਸ ਰਿਟਰਨ ਪ੍ਰੈਪੇਰੇਸ਼ਨ ("Tax Return Preparation") (ਟੈਕਸ ਰਿਟਰਨ ਦੀ ਤਿਆਰੀ) ਹੇਠ ਦੇਖੋ। ਤੁਸੀਂ ਆਪਣੇ ਇਲਾਕੇ ਵਿੱਚ ਕੋਈ ਮੁਫਤ ਟੈਕਸ ਕਲਿਨਿਕ ਲੱਭਣ ਲਈ ਕੈਨੇਡਾ ਰੈਵੇਨਿਊ ਏਜੰਸੀ ਨਾਲ ਵੀ ਸੰਪਰਕ ਕਰ ਸਕਦੇ ਹੋ। ਇਹ ਕਲਿਨਿਕ ਸਰਲ ਟੈਕਸ ਸਥਿਤੀਆਂ ਵਾਲੇ ਘੱਟ ਆਮਦਨ ਵਾਲੇ ਲੋਕਾਂ ਲਈ ਉਪਲਬਧ ਹੁੰਦੇ ਹਨ।

ਮੈਂ ਕਿੰਨੇ ਟੈਕਸ ਦਾ ਭੁਗਤਾਨ ਕਰਾਂਗਾ/ਕਰਾਂਗੀ?
ਤੁਸੀਂ ਇਨਕਮ ਟੈਕਸ ਦੀ ਕਿੰਨੀ ਰਕਮ ਦਾ ਭੁਗਤਾਨ ਕਰਦੇ ਹੋ ਇਹ ਇਸ ਗੱਲ ’ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਪਿਛਲੇ ਸਾਲ ਕਿੰਨਾ ਪੈਸਾ ਕਮਾਇਆ ਹੈ। ਤੁਹਾਡੀ ਇਨਕਮ ਟੈਕਸ ਦੀ ਦਰ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਟੈਕਸ ਦਰਾਂ ਦੇ ਸੁਮੇਲ ’ਤੇ ਅਧਾਰਤ ਹੁੰਦੀ ਹੈ:

2009 ਦੇ ਟੈਕਸ ਸਾਲ ਲਈ ਫੈਡਰਲ ਟੈਕਸ ਦਰਾਂ:

$40,726 ਤੱਕ ਦੀ ਟੈਕਸਯੋਗ ਆਮਦਨ ’ਤੇ  15%
$40,726 ਅਤੇ $81,452 ਵਿਚਾਲੇ ਟੈਕਸਯੋਗ ਆਮਦਨ ’ਤੇ  22%
$81,452 ਅਤੇ $126,264 ਵਿਚਾਲੇ ਟੈਕਸਯੋਗ ਆਮਦਨ ’ਤੇ 26%
$126,264 ਤੋਂ ਵੱਧ ਟੈਕਸਯੋਗ ਆਮਦਨ ’ਤੇ 29%
2009 ਦੇ ਟੈਕਸ ਸਾਲ ਲਈ ਓਂਟੇਰੀਓ ਟੈਕਸ ਦਰਾਂ:

$36,848 ਤੱਕ ਦੀ ਟੈਕਸਯੋਗ ਆਮਦਨ ’ਤੇ 6.05%
$36,848 ਅਤੇ $73,698 ਵਿਚਾਲੇ ਟੈਕਸਯੋਗ ਆਮਦਨ ’ਤੇ 9.15%
$73,698 ਤੋਂ ਵੱਧ ਟੈਕਸਯੋਗ ਆਮਦਨ ’ਤੇ 11.16%
ਮੌਜੂਦਾ ਸਾਲ ਦੀਆਂ ਟੈਕਸ ਦਰਾਂ ਦਾ ਪਤਾ ਲਗਾਉਣ ਲਈ ਕੈਨੇਡਾ ਰੈਵੇਨਿਊ ਏਜੰਸੀ (Canada Revenue Agency) (CRA) ਨਾਲ ਸੰਪਰਕ ਕਰੋ ਜਾਂ ਮੌਜੂਦਾ ਸਾਲ ਲਈ ਟੈਕਸ ਦਰਾਂ ਆਨਲਾਈਨ (3) ਦੇਖੋ:

ਟੌਲ-ਫ਼੍ਰੀ: 1-800-267-6999

ਐਚਐਸਟੀ (HST) ਕ੍ਰੈਡਿਟ ਕੀ ਹੁੰਦਾ ਹੈ?
ਐਚ ਐਸ ਟੀ (HST) ਕ੍ਰੈਡਿਟ ਘੱਟ ਆਮਦਨ ਵਾਲੇ ਵਿਅਕਤੀਆਂ ਅਤੇ ਪਰਿਵਾਰਾਂ ਲਈ ਇੱਕ ਟੈਕਸ-ਮੁਕਤ ਤਿਮਾਹੀ ਭੁਗਤਾਨ ਹੈ। ਤੁਸੀਂ ਜਿੰਨੇ ਐਚ ਐਸ ਟੀ (HST) ਦਾ ਭੁਗਤਾਨ ਕੀਤਾ ਹੈ, ਸਰਕਾਰ ਉਸ ਦਾ ਸਾਰਾ ਜਾਂ ਕੁਝ ਹਿੱਸਾ ਵਾਪਸ ਕਰ ਦਿੰਦੀ ਹੈ।

ਐਸਐਸਟੀ (HST) ਕ੍ਰੈਡਿਟ ਪ੍ਰਾਪਤ ਕਰਨ ਲਈ, ਲਾਜ਼ਮੀ ਹੈ ਕਿ ਤੁਸੀਂ ਟੈਕਸ ਉਦੇਸ਼ਾਂ ਲਈ ਕੈਨੇਡਾ ਦੇ ਨਿਵਾਸੀ ਹੋਵੋ ਅਤੇ 19 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਹੋਵੋ। ਜੇ ਤੁਸੀਂ 19 ਸਾਲ ਤੋਂ ਘੱਟ ਉਮਰ ਦੇ ਹੋ ਅਤੇ ਵਿਆਹੁਤਾ ਹੋ ਜਾਂ ਤੁਹਾਡਾ ਕਾੱਮਨ-ਲਾੱਅ ਪਾਰਟਨਰ ਹੈ, ਜਾਂ ਜੇ ਤੁਹਾਡੇ ਬੱਚੇ ਹਨ ਤਾਂ ਤੁਸੀਂ ਸ਼ਾਇਦ ਯੋਗਤਾ ਪੂਰੀ ਕਰ ਸਕਦੇ ਹੋ। ਉੱਪਰ ਦਿੱਤੇ ਨੰਬਰ ਤੇ ਕੈਨੇਡਾ ਰੈਵੇਨਿਊ ਏਜੰਸੀ ਨੂੰ ਕਾਲ ਕਰਕੇ ਇਹ ਪਤਾ ਕਰੋ ਕਿ ਤੁਸੀਂ ਯੋਗਤਾ ਪੂਰੀ ਕਰਦੇ ਹੋ ਜਾਂ ਨਹੀਂ।

ਜਦੋਂ ਤੁਸੀਂ ਆਪਣੀ ਇਨਕਮ ਟੈਕਸ ਰਿਟਰਨ ਫਾਈਲ ਕਰਦੇ ਹੋ ਤਾਂ ਤੁਸੀਂ ਐਸਐਸਟੀ (HST) ਕ੍ਰੈਡਿਟ ਲਈ ਅਰਜ਼ੀ ਦੇ ਸਕਦੇ ਹੋ।

ਹਰ ਸਾਲ ਦੀ ਅਹਿਮ ਤਾਰੀਖਾਂ
ਫਰਵਰੀ ਦੀ ਸ਼ੁਰੂਆਤ - ਟੈਕਸ ਪੈਕੇਜ ਪੋਸਟ ਆਫਿਸਾਂ ਵਿਖੇ ਉਪਲਬਧ ਹੁੰਦੇ ਹਨ।
15 ਫਰਵਰੀ - NETFILE ਜਾਂ TELEFILE ਵਰਤਣ ਦਾ ਪਹਿਲਾ ਦਿਨ (ਤੁਹਾਡੀ ਰਿਟਰਨ ਦੀ ਇਲੈਕਟ੍ਰੋਨਿਕ ਫਾਈਲਿੰਗ)।
28 ਫਰਵਰੀ - ਇੰਪਲੌਇਅਰਾਂ ਲਈ ਤੁਹਾਨੂੰ ਭੁਗਤਾਨ ਕੀਤੇ ਗਏ ਮਿਹਨਤਾਨੇ ਦੀ T4 ਸਟੇਟਮੈਂਟ ਦੇਣ ਦੀ ਅੰਤਮ ਤਾਰੀਖ, ਇਹ ਸਟੇਟਮੈਂਟ ਦਿਖਾਉਂਦੀ ਹੈ ਕਿ ਤੁਸੀਂ ਪਿਛਲੇ ਸਾਲ ਕਿੰਨੀ ਕਮਾਈ ਕੀਤੀ ਹੈ।
1 ਮਾਰਚ - ਪਿਛਲੇ ਸਾਲ ਲਈ ਆਰ ਆਰ ਐਸ ਪੀ (RRSP) ਯੋਗਦਾਨ ਦੇਣ ਦੀ ਅੰਤਮ ਤਾਰੀਖ।
30 ਅਪ੍ਰੈਲ - ਜ਼ਿਆਦਾਤਰ ਟੈਕਸ ਰਿਟਰਨਾਂ ਲਈ ਅੰਤਮ ਤਾਰੀਖ। ਜੇ ਤੁਸੀਂ ਕੋਈ ਵੀ ਬਕਾਇਆ ਦੇਣਾ ਹੈ ਤਾਂ ਲਾਜ਼ਮੀ ਹੈ ਕਿ ਤੁਸੀਂ ਇਸ ਤਾਰੀਖ ਤੱਕ ਭੁਗਤਾਨ ਕਰ ਦਿਓ ਨਹੀਂ ਤਾਂ ਤੁਹਾਡੇ ’ਤੇ ਵਿਆਜ ਅਤੇ ਹਰਜਾਨੇ ਲਗਾਏ ਜਾਣਗੇ।
15 ਜੂਨ - ਸਵੈ-ਰੁਜ਼ਗਾਰ ਵਿੱਚ ਲੱਗੇ ਵਿਅਕਤੀਆਂ ਲਈ ਅੰਤਮ ਤਾਰੀਖ। ਜੇ ਤੁਸੀਂ ਜਾਂ ਤੁਹਾਡੇ ਜੀਵਨ ਸਾਥੀ ਜਾਂ ਕਾੱਮਨ ਲਾੱਅ ਪਾਰਟਨਰ ਨੇ ਪਿਛਲੇ ਸਾਲ ਕੋਈ ਕਾਰੋਬਾਰ ਚਲਾਇਆ ਸੀ ਤਾਂ ਤੁਹਾਡੀ ਟੈਕਸ ਰਿਟਰਨ 15ਜੂਨ ਨੂੰ ਜਾਂ ਇਸ ਤੋਂ ਪਹਿਲਾਂ ਜ਼ਰੂਰ ਭਰੀ ਜਾਣੀ ਚਾਹੀਦੀ ਹੈ। ਐਪਰ, ਜੇ ਤੁਹਾਡੇ ਪਿਛਲੇ ਸਾਲ ਦੇ ਟੈਕਸ ਬਕਾਇਆ ਹਨ ਤਾਂ ਤੁਹਾਨੂੰ ਇਹਨਾਂ ਦਾ ਭੁਗਤਾਨ 30ਅਪ੍ਰੈਲ ਨੂੰ ਜਾਂ ਇਸ ਤੋਂ ਪਹਿਲਾਂ ਕਰਨਾਪਵੇਗਾ।
ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਕੈਨੇਡਾ ਰੈਵੇਨਿਊ ਏਜੰਸੀ:
http://findlink.at/CRA

(2) ਸਰਵਿਸ ਕੈਨੇਡਾ:
http://findlink.at/servicecan

(3) ਕੈਨੇਡਾ ਰੈਵੇਨਿਊ ਏਜੰਸੀ - ਟੈਕਸ ਦਰਾਂ:
http://findlink.at/taxrate

ਨੋਟ


ਕਾਪੀਰਾਈਟ -

3 ਮੈਂਬਰਾਂ ਵਾਲੇ ਕਿਸੇ ਪਰਿਵਾਰ ਲਈ ਮਹੀਨਾਵਾਰ ਗੁਜ਼ਾਰਾ ਖ਼ਰਚਾ ਕਿੰਨਾ ਹੁੰਦਾ ਹੈ?
ਤੁਹਾਡੇ ਮਹੀਨਾਵਾਰ ਗੁਜ਼ਾਰਾ ਖ਼ਰਚੇ ਅਨੇਕਾਂ ਗੱਲਾਂ `ਤੇ ਨਿਰਭਰ ਕਰਦੇ ਹਨ ਜਿਵੇਂ ਕਿ ਤੁਸੀਂ ਕਿਸ ਸ਼ਹਿਰ ਵਿੱਚ ਰਹਿੰਦੇ ਹੋ, ਘਰ ਦੀ ਕਿਸਮ ਜਿਸ ਵਿੱਚ ਤੁਸੀਂ ਰਹਿੰਦੇ ਹੋ, ਤੁਸੀਂ ਖ਼ਰੀਦੋ-ਫਰੋਖ਼ਤ ਕਿੱਥੋਂ ਕਰਦੇ ਹੋ, ਤੁਹਾਡੀ ਜੀਵਨ ਸ਼ੈਲੀ ਅਤੇ ਹੋਰ ਬਹੁਤ ਕੁਝ।

ਕਨੇਡਾ ਵਿੱਚ ਗੁਜ਼ਾਰਾ ਖ਼ਰਚੇ ਇੱਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਵਿੱਚ ਵੱਖ ਵੱਖ ਹੁੰਦੇ ਹਨ। ਕੁਝ ਘਰੇਲੂ ਖ਼ਰਚਾ  ਸਰਵੇਖਣ ਅੰਦਾਜ਼ਾ ਲਾਉਂਦੇ ਹਨ ਕਿ ਔਸਤ ਪਰਿਵਾਰ C$55,000 - C$65,000 ਪ੍ਰਤੀ ਸਾਲ ਖ਼ਰਚ ਕਰੇਗਾ।  

ਵੱਖ ਵੱਖ ਸਟੋਰ ਭੋਜਨ, ਕਪੜਿਆਂ, ਅਤੇ ਦੂਸਰੀਆਂ ਵਸਤਾਂ ਜਿਨ੍ਹਾਂ ਦੀ ਤੁਹਾਨੂੰ  ਜੀਉਣ ਲਈ ਜ਼ਰੂਰਤ ਹੁੰਦੀ ਹੈ ਦੀਆਂ ਵੱਖ ਵੱਖ ਕੀਮਤਾਂ ਵਸੂਲ ਕਰਦੇ ਹਨ। ਤੁਸੀਂ ਆਪਣੇ ਰਿਸ਼ਤੇਦਾਰਾਂ, ਦੋਸਤਾਂ, ਜਾਂ ਸਹਿ-ਕਾਮਿਆਂ ਨੂੰ ਪੁੱਛ ਸਕਦੇ ਹੋ ਕਿ ਉਹ ਚੰਗੀਆਂ ਕੀਮਤਾਂ ਵਾਸਤੇ ਕਿੱਥੇ ਖ਼ਰੀਦੋ-ਫਰੋਖ਼ਤ ਕਰਦੇ ਹਨ।

ਅਨੇਕਾਂ ਕਮਿਊਨਿਟੀਆਂ ਵਿੱਚ ਵਿਸ਼ੇਸ਼ ਸੇਵਾਵਾਂ ਜਾਂ ਸਟੋਰ ਹੁੰਦੇ ਹਨ ਜਿੱਥੇ ਤੁਹਾਨੂੰ ਮੁਫ਼ਤ ਜਾਂ ਘੱਟ ਕੀਮਤ `ਤੇ ਚੀਜ਼ਾਂ ਮਿਲ ਸਕਦੀਆਂ ਹਨ।

ਜਦੋਂ ਮਹੀਨਾਵਾਰ ਖ਼ਰਚਿਆਂ ਦਾ ਤੁਸੀਂ ਧਿਆਨ ਨਾਲ ਬਜਟ ਬਣਾਉਣਾ ਚਾਹੋਂਗੇ। ਬਜਟ ਤੁਹਾਡੇ ਪੈਸੇ ਦਾ ਪ੍ਰਬੰਧ ਕਰਨ ਅਤੇ ਹਰ ਮਹੀਨੇ ਦੇ ਤੁਹਾਡੇ ਖ਼ਰਚਿਆਂ ਨੂੰ ਯੋਜਨਾਬੰਦ ਕਰਨ ਵਿੱਚ ਮਦਦ ਦੇਂਦਾ ਹੈ। ਇਹ ਤੁਹਾਨੂੰ ਤੁਹਾਡੇ ਵਿੱਤੀ ਸਾਧਨਾਂ ਅੰਦਰ ਅੰਦਰ ਰਹਿਣ ਵਿੱਚ ਮਦਦ ਕਰਦਾ ਹੈ।  

ਅਨੇਕਾਂ ਕਮਿਊਨਿਟੀ ਇੰਜਸੀਆਂ ਗੁਜ਼ਾਰਾ ਖ਼ਰਚਿਆਂ ਅਤੇ ਬਜਟ ਬਣਾਉਣ ਬਾਰੇ ਜਾਣਕਾਰੀ ਲੈਣ ਵਿੱਚ ਤੁਹਾਡੀ ਮਦਦ ਕਰ ਸਕਦੀਆਂ ਹਨ। ਤੁਹਾਡੇ ਆਪਣੇ ਇਲਾਕੇ ਵਿੱਚ ਮਦਦ ਦਾ ਪਤਾ ਕਰਨ ਲਈ, ਆਪਣੇ ਨੇੜੇ ਦੇ ਕਿਸੇ ਕਮਿਊਨਿਟੀ ਇਨਫਰਮੇਸ਼ਨ ਸੈਂਟਰ (ਸੀ ਆਈ ਸੀ) (Community Information Centre) (CIC) (1) ਵਿੱਚ ਜਾਓ ਜਾਂ ਕਿਸੇ ਸੀ ਆਈ ਸੀ ਨੁਮਾਇੰਦੇ ਨਾਲ ਗੱਲ ਕਰਨ ਲਈ ਆਪਣੇ ਫੋਨ ਤੋਂ 2-1-1 ਡਾਇਲ ਕਰੋ।

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਕਮਿਊਨਿਟੀ ਜਾਣਕਾਰੀ ਸੈਂਟਰਜ਼ (ਸੀ ਆਈ ਸੀਜ਼) (Community Information Centres) (CICs) :
http://www.211Ontario.ca  

ਨੋਟ


ਕਾਪੀਰਾਈਟ -

ਕੈਨੇਡਾ ਵਿੱਚ ਨਵੇਂ ਆਉਣ ਵਾਲਿਆਂ ਅਤੇ ਸੈਲਾਨੀਆਂ ਲਈ ਪ੍ਰਾਈਵੇਟ ਸਿਹਤ ਬੀਮਾ ਮੈਂ ਕਿੱਥੋਂ ਖ਼ਰੀਦ ਸਕਦਾ ਹਾਂ?
ਕੈਨੇਡਾ ਵਿੱਚ ਇੱਥੇ ਰਹਿਣ ਵਾਲਿਆਂ ਅਤੇ ਹੱਕਦਾਰੀ ਦੀਆਂ ਸ਼ਰਤਾਂ ਪੂਰੀਆਂ ਕਰਨ ਵਾਲਿਆਂ ਲਈ ਸਿਹਤ ਦੇਖ-ਰੇਖ ਦੀਆਂ ਬੁਨਿਆਦੀ ਲੋੜਾਂ ਸਰਕਾਰ ਪੂਰੀਆਂ ਕਰਦੀ ਹੈ। ਉਨਟਾਰੀਓ ਵਿੱਚ ਸਰਕਾਰ ਵੱਲੋਂ ਚਲਾਈ ਜਾਂਦੀ ਉਨਟਾਰੀਓ ਹੈਲਥ ਇਨਸ਼ੋਰੈਂਸ ਪਲੈਨ (Ontario Health Insurance Plan) ਜਾਂ ਓਹਿਪ (OHIP) ਸਿਹਤ ਦੇਖ-ਰੇਖ ਦੇ ਅਨੇਕਾਂ ਹੀ ਕਾਰਜਾਂ ਲਈ ਅਦਾਇਗੀ ਕਰਦੀ ਹੈ। ਓਹਿਪ ਦੀ ਸਹੂਲਤ ਆਮ ਤੌਰ `ਤੇ ਉਦੋਂ ਸ਼ੁਰੂ ਹੁੰਦੀ ਹੈ ਜਦੋਂ ਤੁਹਾਨੂੰ ਉਨਟਾਰੀਓ ਦੇ ਨਿਵਾਸੀ ਬਣਿਆਂ ਤਿੰਨ ਮਹੀਨੇ ਹੋ ਚੁੱਕੇ ਹੁੰਦੇ ਹਨ।

ਆਮ ਤੌਰ `ਤੇ ਤੁਹਾਨੂੰ ਕੈਨੇਡਾ ਆਉਣ ਵਾਲੇ ਸੈਲਾਨੀਆਂ ਜਾਂ ਵਿਜ਼ੀਟਰਾਂ (visitors to Canada) ਲਈ ਕਵਰੇਜ ਦੀ ਲੋੜ ਹੁੰਦੀ ਹੈ। ਜਦੋਂ ਤੁਸੀਂ ਪ੍ਰਾਈਵੇਟ ਸਿਹਤ ਬੀਮਾ ਯੋਜਨਾਵਾਂ ਦੀ ਪੜਤਾਲ ਕਰਦੇ ਹੋ, ਤੁਹਾਨੂੰ ਬੀਮਾ ਕੰਪਨੀ ਨਾਲ ਇਹ ਗੱਲ ਪੱਕੀ ਕਰ ਲੈਣੀ ਚਾਹੀਦੀ ਹੈ ਕਿ ਉਹ ਅਜਿਹੇ ਲੋਕਾਂ ਲਈ ਵੀ ਯੋਜਨਾਵਾਂ ਪੇਸ਼ ਕਰਦੇ ਹਨ ਜਿਨ੍ਹਾਂ ਨੂੰ ਓਹਿਪ ਦੇ ਲਾਭ ਨਹੀਂ ਮਿਲਦੇ।

ਪ੍ਰਾਈਵੇਟ ਬੀਮਾ ਸਿਹਤ ਦੇ ਸਾਰੇ ਖ਼ਰਚ ਨਹੀਂ ਝੱਲਦਾ। ਮਿਸਾਲ ਵਜੋਂ, ਗਰਭ ਨਾਲ ਸੰਬੰਧਤ ਖ਼ਰਚੇ ਸਫ਼ਰ ਬੀਮੇ ਵਿੱਚ ਸ਼ਾਮਲ ਨਹੀਂ ਹੁੰਦੇ। ਇਹ ਗੱਲ ਪੱਕੀ ਕਰੋ ਕਿ ਤੁਸੀਂ ਅਜਿਹੀ ਯੋਜਨਾ ਪਸੰਦ ਕਰਦੇ ਹੋ ਜਿਸ ਨਾਲ ਤੁਹਾਡੀਆਂ ਲੋੜਾਂ ਪੂਰੀਆਂ ਹੁੰਦੀਆਂ ਹੋਣ। ਕੁੱਝ ਕੰਪਨੀਆਂ ਲਈ ਦੀ ਇਹ ਸ਼ਰਤ ਹੋ ਸਕਦੀ ਹੈ ਕਿ ਤੁਹਾਨੂੰ ਉਨਟਾਰੀਓ ਆਉਣ ਦੇ ਗਿਣਵੇਂ ਦਿਨਾਂ ਦੇ ਵਿੱਚ-ਵਿੱਚ ਬੀਮਾ ਖ਼ਰੀਦਣ ਪਵੇ।

ਪ੍ਰਾਈਵੇਟ ਬੀਮੇ ਨਾਲ ਸੰਬੰਧਤ ਬਦਲ
ਹੇਠ ਲਿਖੀਆਂ ਨਿਜੀ ਬੀਮਾ ਕੰਪਨੀਆਂ ਨਵੇਂ ਇਮੀਗ੍ਰੈਂਟਾਂ ਲਈ ਅਤੇ ਓਹਿਪ ਦੇ ਲਾਭਾਂ ਤੋਂ ਰਹਿਤ ਵਿਅਕਤੀਆਂ ਦਾ ਸਿਹਤ ਬੀਮਾ ਪੇਸ਼ ਕਰਦੀਆਂ ਹਨ। ਇਹ ਕੈਨੇਡਾ ਵਿੱਚ ਯਾਤਰਾ ਕਰਨ ਆਇਆਂ ਲਈ ਸਫ਼ਰ-ਆਧਾਰਤ ਬੀਮਾ ਯੋਜਨਾਵਾਂ ਵੀ ਦਿੰਦੀਆਂ ਹਨ:

ਬਲਿਊ ਕ੍ਰਾਸ

ਟੋਲ-ਫ੍ਰੀ: 1-866-732-2583

ਈ.ਟੀ.ਐੱਫ.ਐੱਸ.:

ਟੋਲ-ਫ੍ਰੀ: 1-800-267-8834

ਟੋਰਾਂਟੋ: (416) 413-7674

ਟੀ.ਆਈ.ਸੀ.:

ਟੋਲ-ਫ੍ਰੀ: 1-800-267-8834

*ਇਹ ਸੂਚੀ ਕੈਨੇਡੀਅਨ ਲਾਈਫ਼ ਐਂਡ ਹੈਲਥ ਇਨਸ਼ੋਰੈਂਸ ਐਸੋਸੀਏਸ਼ਨ (Canadian Life and Health Insurance Association) ਜਾਂ ਸੀ.ਐੱਲ.ਐੱਚ.ਆਈ.ਏ. (CLHIA) (1) ਦੀ ਹੈ, ਅਤੇ ਅਸੀਂ ਇਸ ਨੂੰ ਸਿਰਫ਼ ਜਾਣਕਾਰੀ ਵਜੋਂ ਹੀ ਪੇਸ਼ ਕਰ ਰਹੇ ਹਾਂ। ਅਸੀਂ ਕਿਸੇ ਖਾਸ ਕੰਪਨੀ ਦੀ ਸਿਫਾਰਸ਼ ਨਹੀਂ ਕਰਦੇ, ਨਾ ਕਿਸੇ ਕੰਪਨੀ ਨੂੰ ਅਪਣਾਉਂਦੇ ਹਾਂ।  

ਹੋਰ ਬੀਮਾ ਕੰਪਨੀਆਂ ਦਾ ਪਤਾ ਕਰਨ ਲਈ ਯੈਲੋ ਪੇਜਿਜ਼ ਵੇਖੋ ਜਾਂ ਸੀ.ਐੱਲ.ਐੱਚ.ਆਈ.ਏ. ਦੀ ਵੈੱਬਸਾਈਟ ਵੇਖੋ:

ਅੰਗਰੇਜ਼ੀ ਵਿੱਚ:  1-800-268-8099

ਫਰਾਂਸੀਸੀ ਵਿੱਚ: 1-800-361-8070

ਬੀਮਾ ਬ੍ਰੋਕਰ
ਬੀਮਾ ਬ੍ਰੋਕਰ ਬੀਮਾ ਕੰਪਨੀਆਂ ਦੇ ਬਦਲ ਹੁੰਦੇ ਹਨ। ਬ੍ਰੋਕਰ ਅਨੇਕਾਂ ਵੱਖੋ-ਵੱਖ ਕੰਪਨੀਆਂ ਦੀ ਨੁਮਾਇੰਦਗੀ ਕਰਦੇ ਹਨ ਅਤੇ ਤੁਹਾਨੂੰ ਤੁਹਾਡੀ ਪਸੰਦ ਬਾਰੇ ਸਲਾਹ ਦੇ ਸਕਦੇ ਹਨ। ਬੀਮਾ ਬ੍ਰੋਕਰ ਹੋ ਸਕਦਾ ਹੈ ਪ੍ਰਾਈਵੇਟ ਸਿਹਤ ਬੀਮਾ ਯੋਜਨਾਵਾਂ ਨਾਲ ਖਾਸ ਵਾਹ ਨਹੀਂ ਰੱਖਦੇ।

ਕੋਈ ਬੀਮਾ ਬ੍ਰੋਕਰ ਲੱਭਣ ਲਈ ਤੁਸੀਂ ਇਨਸ਼ੋਰੈਂਸ ਬ੍ਰੋਕਰ ਐਸੋਸੀਏਸ਼ਨ ਆਫ਼ ਓਨਟੇਰੀਓ (Insurance Brokers Association of Ontario) ਦਾ ਬ੍ਰੋਕਰ ਲੱਭਣ ਦਾ ਆਨਲਾਈਨ ਸਾਧਨ (2) ਵਰਤ ਸਕਦੇ ਹੋ ਜਾਂ ਯੌਲੋ ਪੇਜਿਜ਼ ਵੇਖ ਸਕਦੇ ਹੋ।

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਕੈਨੇਡੀਅਨ ਲਾਈਫ਼ ਐਂਡ ਹੈਲਥ ਇਨਸ਼ੋਰੈਂਸ ਐਸੋਸੀਏਸ਼ਨ (Canadian Life and Health Insurance Association) ਜਾਂ ਸੀ.ਐੱਲ.ਐੱਚ.ਆਈ.ਏ. (CLHIA):
http://findlink.at/membership

(2) ਬ੍ਰੋਕਰ ਲੱਭਣ ਦਾ ਆਨਲਾਈਨ ਸਾਧਨ:
http://findlink.at/ins-shop

ਨੋਟ


ਕਾਪੀਰਾਈਟ -

ਉਨਟਾਰੀਓ ਵਿੱਚ ਕਿਸੇ ਅਪਾਰਟਮੈਂਟ ਦਾ ਔਸਤਨ ਪ੍ਰਤੀ ਮਹੀਨਾ ਕਿਰਾਇਆ ਕਿੰਨਾ ਹੁੰਦਾ ਹੈ?
ਕਿਸੇ ਅਪਾਰਟਮੈਂਟ ਜਾਂ ਘਰ ਨੂੰ ਕਿਰਾਏ `ਤੇ ਲੈਣ ਦੀ ਲਾਗਤ ਬਹੁਤ ਸਾਰੀਆਂ ਗੱਲਾਂ `ਤੇ ਨਿਰਭਰ ਕਰਦੀ ਹੈ ਜਿਵੇਂ ਕਿ:

ਅਪਾਰਟਮੈਂਟ ਜਾਂ ਘਰ ਦਾ ਆਕਾਰ, ਸਮੇਤ ਬੈੱਡਰੂਮਾਂ ਦੀ ਗਿਣਤੀ ਦੇ
ਕਮਿਊਨਿਟਰੀ ਅਤੇ ਆਂਢ-ਗੁਆਂਢ ਜਿੱਥੇ ਇਹ ਸਥਿਤ ਹੈ
ਆਪਾਰਟਮੈਂਟ ਜਾਂ ਘਰ ਦੀ ਉਮਰ ਅਤੇ ਹਾਲਤ।
ਕਿਰਾਇਆ ਕੀਮਤਾਂ ਸ਼ਹਿਰ ਤੋਂ ਸ਼ਹਿਰ ਅਤੇ ਹਰ ਸਾਲ ਬਦਲਦੀਆਂ ਰਹਿੰਦੀਆਂ ਹਨ। ਆਮ ਤੌਰ ਤੇ, ਛੋਟੇ ਸ਼ਹਿਰਾਂ ਵਿੱਚ ਕਿਰਾਇਆ ਲਾਗਤਾਂ ਵੱਡੇ ਸ਼ਹਿਰਾਂ ਦੇ ਮੁਕਾਬਲੇ ਘੱਟ ਹੁੰਦੀਆਂ ਹਨ।

ਥੱਲੇ ਦਿੱਤੀ ਜਾਣਕਾਰੀ ਕਨੇਡਾ ਮੌਰਗੇਜ ਅਤੇ ਹਾਊਸਿੰਗ ਕਾਰਪੋਰੇਸ਼ਨ (ਸੀਐੱਮਐੱਚਸੀ) (Canada Mortgage and Housing Corporation) (CMHC) (1) ਤੋਂ ਲਈ ਗਈ ਹੈ:

ਪ੍ਰਾਈਵੇਟ ਆਪਾਰਟਮੈਂਟ ਔਸਤ ਕਿਰਾਏ ($) ਬੈੱਡਰੂਮ ਦੀ ਕਿਸਮ ਅਨੁਸਾਰ, 2008


ਬੈਚੁਲਰ
1 ਬੈੱਡਰੂਮ
2 ਬੈੱਡਰੂਮ
3+ ਬੈੱਡਰੂਮ

ਬੈਰੀ
$694
$860
$954
$1,144

ਬਰੈਂਟਫੋਰਡ
557
674
752
813

ਗੁਅਲਫ
616
766
869
1,021

ਹਮਿਲਟਨ
542
681
836
986

ਕਿਗਸਟਨ
558
743
880
1,327

ਕਿਚਨਰ
561
712
845
978

ਲੰਡਨ
525
671
834
967

ਨਿਆਗਰਾ ਰਿਜਨ
532
663
777
877

ਔਸ਼ਵਾ
641
785
889
1,008

ਔਟਵਾ
671
827
995
1,227

ਪੀਟਰਬਰੋ
578
717
850
1,043

ਸੱਡਬਰੀ
485
651
800
917

ਥੰਡਰ ਬੇਅ
467
589
719
836

ਟੋਰੰਟੋ
764
927
1,095
1,288

ਵਿੰਡਸਰ
503
645
772
883


ਜੇ ਤੁਸੀਂ ਕਿਸੇ ਸ਼ਹਿਰ ਦੀ ਕਿਰਾਇਆ ਮਾਰਕਿਟ ਬਾਰੇ ਵਧੇਰੇ ਜਾਣਕਾਰੀ ਚਾਹੁੰਦੇ ਹੋ, ਟੋਰੰਟੋ ਵਿੱਚ ਸੀ ਐੱਮ ਐੱਚ ਸੀ ਉਨਟਾਰੀਓ ਬਿਜ਼ਨੈਸ ਸੈਂਟਰ (CMHC Ontario Business Centre) ਨਾਲ ਸੰਪਰਕ ਕਰੋ:

ਟੋਲ – ਫਰੀ: 1-866-389-1742

ਟੈਲੀਫੋਨ: 416-221-2642

ਤੁਸੀਂ ਆਪਣੇ ਸਥਾਨਕ ਅਖ਼ਬਾਰਾਂ ਵਿੱਚ ਕਲਾਸੀਫਾਈਡ ਵਿਗਿਆਪਨ ਵੀ ਵੇਖ ਸਕਦੇ ਹੋ ਜਾਂ ਔਨਲਾਈਨ ਹਾਊਸਿੰਗ ਸੂਚੀਆਂ ਦੇਖੋ। ਕੋਈ ਹਾਊਸਿੰਗ ਹੈਲਪ ਸੈਂਟਰ (Housing Help Centre) (2) ਵੀ ਤੁਹਾਨੂੰ ਕਿਰਾਇਆ ਕੀਮਤਾਂ ਅਤੇ ਝੁਕਾਵਾਂ ਬਾਰੇ ਜਾਣਕਾਰੀ ਦੇ ਸਕਦਾ ਹੈ। ਵਧੇਰੇ ਜਾਣਕਾਰੀ ਲਈ ਤੁਸੀਂ ਹਾਊਸਿੰਗ ਹੈਲਪ ਸੈਂਟਰ ਨੂੰ ਕਾਲ ਕਰ ਸਕਦੇ ਹੋ:

ਟੈਲੀਫੋਨ: 905-713-2696

ਕਮਿਊਨਿਟੀ ਇਜੰਸੀਆਂ ਕੋਲ ਵੀ ਕਿਰਾਇਆ ਦਰਾਂ ਬਾਰੇ ਜਾਣਕਾਰੀ ਹੋ ਸਕਦੀ ਹੈ। ਆਪਣੇ ਇਲਾਕੇ ਵਿੱਚ ਸਹਾਇਤਾ ਦਾ ਪਤਾ ਕਰਨ ਲਈ, ਆਪਣੇ ਨੇੜੇ ਦੇ ਕਿਸੇ ਕਮਿਊਨਿਟੀ ਇਨਫਰਮੇਸ਼ਨ ਸੈਂਟਰ (ਸੀਆਈਸੀ) (Community Information Centre (CIC) (3)) ਵਿੱਚ ਜਾਓ ਜਾਂ ਕਿਸੇ ਸੀ ਆਈ ਸੀ ਨੁਮਾਇੰਦੇ ਨਾਲ ਗੱਲ ਕਰਨ ਲਈ ਆਪਣੇ ਫੋਨ ਤੋਂ 2-1-1 ਡਾਇਲ ਕਰੋ।

ਵਧੇਰੇ ਜਾਣਕਾਰੀ ਲਈ ਵੇਖੋ:
(1) ਕਨੇਡਾ ਮੌਰਗੇਜ ਐਂਡ ਹਾਊਸਿੰਗ ਕਾਰਪੋਰੇਸ਼ਨ (Canada Mortgage and Housing Corporation):
http://findlink.at/cmhc

(2) ਉਨਟਾਰੀਓ ਭਰ ਦੇ ਹਾਊਸਿੰਗ ਹੈਲਪ ਸੈਂਟਰਜ਼ (Housing Help Centres across Ontario):
http://findlink.at/hhc

(3) ਕਮਿਊਨਿਟੀ ਇਨਫਰਮੇਸ਼ਨ ਸੈਂਟਰਜ਼ (ਸੀ ਆਈ ਸੀਜ਼) (Community Information Centres (CICs)):
http://www.211Ontario.ca

ਨੋਟ


ਕਾਪੀਰਾਈਟ -

ਰੋਜ਼ਗਾਰ ਬੀਮਾ (ਈ.ਆਈ) ਕੀ ਹੁੰਦਾ ਹੈ?
ਜੇ ਤੁਹਾਡੀ ਨੌਕਰੀ ਚਲੀ ਜਾਂਦੀ ਹੈ, ਤਾਂ ਹੋ ਸਕਦਾ ਹੈ ਕਿ ਤੁਸੀਂ ਰੋਜ਼ਗਾਰ ਬੀਮੇ (ਈ.ਆਈ.) ਦੇ ਯੋਗ ਹੋ ਸਕੋ। ਜਦੋਂ ਤੁਸੀਂ ਨੌਕਰੀ ਦੀ ਭਾਲ ਕਰਦੇ ਹੋ ਜਾਂ ਆਪਣੇ ਹੁਨਰਾਂ ਨੂੰ ਅਪਗ੍ਰੇਡ ਕਰਦੇ ਹੋ ਤਾਂ ਰੋਜ਼ਗਾਰ ਬੀਮਾ ਕੰਮ ਚਲਾਊ ਵਿੱਤੀ ਸਹਾਇਤਾ ਮੁਹੱਈਆ ਕਰਦਾ ਹੈ।

ਜੇ ਤੁਸੀਂ ਬਿਮਾਰ ਹੋ, ਗਰਭਵਤੀ ਹੋ ਜਾਂ ਕਿਸੇ ਨਵਜੰਮੇ ਜਾਂ ਗੋਦ ਲਏ ਬੱਚੇ ਦੀ ਦੇਖਭਾਲ ਕਰ ਰਹੇ ਹੋ, ਜਾਂ ਜੇ ਤੁਹਾਡੇ ਲਈ ਕਿਸੇ ਪਰਿਵਾਰਕ ਜੀਅ ਦੀ ਸੰਭਾਲ ਕਰਨੀ ਜ਼ਰੂਰੀ ਹੈ ਜੋ ਕਿ ਮੌਤ ਦੇ ਵੱਡੇ ਜੋਖਮ ਨਾਲ ਗੰਭੀਰ ਰੂਪ ਵਿੱਚ ਬਿਮਾਰ ਹੈ, ਤਾਂ ਤੁਸੀਂ ਰੋਜ਼ਗਾਰ ਬੀਮੇ ਲਈ ਯੋਗਤਾ ਪੂਰੀ ਕਰ ਸਕਦੇ ਹੋ।

ਰੋਜ਼ਗਾਰ ਬੀਮਾ ਕੈਨੇਡਾ ਦੀ ਸਰਕਾਰ ਦੁਆਰਾ ਚਲਾਇਆ ਜਾਂਦਾ ਹੈ।

ਤੁਹਾਨੂੰ ਰੋਜ਼ਗਾਰ ਬੀਮੇ (ਈ.ਆਈ.) ਦੇ ਲਾਭਾਂ ਲਈ ਜ਼ਰੂਰ ਅਰਜ਼ੀ ਦੇਣੀ ਚਾਹੀਦੀ ਹੈ ਕਿਉਂਕਿ ਇਹ ਤੁਹਾਨੂੰ ਆਪਣੇ ਆਪ ਨਹੀਂ ਮਿਲਣਗੇ। ਇਹ ਮਹੱਤਵਪੂਰਨ ਹੈ ਕਿ ਜਿਉਂ ਹੀ ਤੁਹਾਨੂੰ ਇਹਨਾਂ ਲਾਭਾਂ ਦੀ ਆਗਿਆ ਮਿਲਦੀ ਹੈ ਉਦੋਂ ਹੀ ਤੁਸੀਂ ਇਹਨਾਂ ਦੇ ਲਈ ਅਰਜ਼ੀ ਦੇ ਦਿਓ।

ਲਾਭਾਂ ਦੀਆਂ ਕਿਸਮਾਂ
ਈ ਆਈ ਲਾਭ 2 ਕਿਸਮਾਂ ਦੇ ਹੁੰਦੇ ਹਨ:

ਆਮਦਨ ਲਾਭ
ਇਹ ਉਸ ਸਮੇਂ ਲਈ ਕੰਮ ਚਲਾਊ ਆਮਦਨ ਸਹਾਇਤਾ (income support) ਹੁੰਦੀ ਹੈ ਜਦੋਂ ਤੁਸੀਂ ਕੰਮ ਲੱਭਦੇ ਹੋ, ਜਾਂ ਜਦੋਂ ਤੁਸੀਂ ਕੰਮ ਨਹੀਂ ਕਰ ਸਕਦੇ। ਆਮਦਨ ਲਾਭਾਂ ਦੀਆਂ 2 ਕਿਸਮਾਂ ਹੁੰਦੀਆਂ ਹਨ:

ਨਿਯਮਿਤ ਲਾਭ - ਜੇ ਤੁਹਾਡੇ ਬਿਨਾਂ ਕਿਸੇ ਕਸੂਰ ਦੇ ਨੌਕਰੀ ਚਲੀ ਜਾਂਦੀ ਹੈ
ਖਾਸ ਲਾਭ - ਇਹਨਾਂ ਵਿੱਚ ਸ਼ਾਮਲ ਹਨ:
ਜਣੇਪਾ ਅਤੇ ਪਾਲਣ-ਪੋਸ਼ਣ ਸਬੰਧੀ ਲਾਭ - ਜੇ ਤੁਸੀਂ ਗਰਭਵਤੀ ਹੋ, ਜਾਂ ਜੇ ਤੁਸੀਂ ਨਵਜੰਮੇ ਬੱਚੇ ਜਾਂ ਗੋਦ ਲਏ ਬੱਚੇ ਦੀ ਦੇਖਭਾਲ ਕਰ ਰਹੀ ਮਾਂ ਜਾਂ ਪਿਤਾ ਹੋ।
ਬਿਮਾਰੀ ਸਬੰਧੀ ਲਾਭ - ਜੇ ਤੁਸੀਂ ਬਿਮਾਰ, ਜ਼ਖ਼ਮੀ ਜਾਂ ਅਲੱਗ ਕਮਰੇ ਜਾਂ ਵਾਰਡ ਵਿੱਚ (ਕੁਆਰੰਟੀਨ) ਹੋ।
ਤਰਸ ਅਧਾਰਤ ਦੇਖਭਾਲ - ਜੇ ਤੁਸੀਂ ਕਿਸੇ ਬਹੁਤ ਹੀ ਬਿਮਾਰ ਪਰਿਵਾਰਕ ਜੀਅ ਦੀ ਦੇਖਭਾਲ ਕਰਨ ਲਈ ਕੰਮ ਤੋਂ ਛੁੱਟੀ ਲੈਂਦੇ ਹੋ।
ਇਸਦੇ ਲਈ ਕੌਣ ਯੋਗ ਹੁੰਦਾ ਹੈ?
ਲੋੜਾਂ ਇਸ ਗੱਲ 'ਤੇ ਨਿਰਭਰ ਕਰਦੀਆਂ ਹਨ ਕਿ ਤੁਸੀਂ ਕਿੱਥੇ ਰਹਿੰਦੇ ਹੋ ਅਤੇ ਤੁਸੀਂ ਕਿਸ ਕਿਸਮ ਦੇ ਲਾਭਾਂ ਲਈ ਅਰਜ਼ੀ ਦਿੱਤੀ ਹੈ।

ਹੋਰ ਜਾਣਕਾਰੀ ਲਈ “ਕੀ ਮੈਂ ਰੋਜ਼ਗਾਰ ਬੀਮੇ (ਈਆਈ) ਲਈ ਯੋਗ ਹਾਂ?” ਲੇਖ ਦੇਖੋ।

ਈ ਆਈ ਕਦੋਂ ਤੱਕ ਚੱਲਦਾ ਹੈ?
ਤੁਹਾਨੂੰ ਲਾਭ ਕਿੰਨੇ ਸਮੇਂ ਤੱਕ ਮਿਲ ਸਕਦੇ ਹਨ ਇਹ ਕਈ ਵੱਖ-ਵੱਖ ਕਾਰਕਾਂ 'ਤੇ ਨਿਰਭਰ ਕਰਦਾ ਹੈ। ਹੋਰ ਜਾਣਕਾਰੀ ਲਈ “ਮੈਨੂੰ ਕਿੰਨੇ ਸਮੇਂ ਤੱਕ ਐਂਪਲੌਇਮੈਂਟ ਇੰਸ਼ੋਰੈਂਸ ਰੋਜ਼ਗਾਰ ਬੀਮੇ (ਈਆਈ) ਮਿਲ ਸਕਦਾ ਹੈ?” ਲੇਖ ਦੇਖੋ।

ਨੋਟ


ਕਾਪੀਰਾਈਟ -

http://punjabi.inmylanguage.org/subsection.aspx?cat=DAILYCONSUMPROT